Бүгін Қазақстан Президенті Нұрсұлтан Назарбаев Ресей Федерациясының Сыртқы істер министрі Сергей Лавровты қабылдады деп хабарлайды Президенттің баспасөз қызметі.

Мемлекет басшысы С.Лавровтың Қазақстанға сапарына ықылас білдіріп, елдеріміз арасындағы ынтымақтастықтың жоғары деңгейін атап өтті.

"Қазақстан мен Ресей жоғары деңгейде қарым-қатынас жасап келеді. Бұған елдеріміздің сыртқы істер министрліктері мен елшіліктерінің қосқан үлесі зор. Біздің екіжақты ынтымақтастығымыз өзге елдер үшін үлгі бола алады деп ойлаймын", – деді Нұрсұлтан Назарбаев.

Сондай-ақ, Қазақстан Президенті Ресей Сыртқы істер министрін G20 саммитінің сәтті өтуімен құттықтап, осынау ауқымды іс-шараның сапалы....

Осыған дейін имамдарға қатысты масқара мәлімдеме жасаған Жанар Боранбаева бүгін Діни басқарма алдында шу шығарып, мешіт қызметкерлерінің жауап беруін талап етті.

Алайда, Діни басқарма қызметкерлері алғашында зардап шеккен қыз алдында ақталмақ түгілі, камераны көре сала тұра қашты.

Наиб имамдарға қатысты жағаны ұстатар жайттарды жайып салған Жанар Боранбаева орталық мешітке ашуланып келіп, ұстаздарын іздеді. Қолында мешіт жанындағы сауат ашу курсын бітіргенде берілген, мөр басылған сертификаты бар. Мешіт қызметкерлеріне құжатын көрсетіп, өзінің дәріс алғанын дәлелдемек болды. Имамдар Боранбаева бізде мүлде оқымаған деген еді.

"Имамдарды жина! Жауап берсін! Мені осы жерде оқыған жоқ деген кім? Тез жиналыңдар", - дейді ол.

Қазақша сөйлейтін халқы 70 пайыздан асқан өңірдің барлығы қазақ тіліне көшуі керек "Нұр Отан" ХДП мемлекеттік тілді нығайтуға, қазақтың дәстүрі мен мәдениетін жаңғыртуға байланысты қоғамдық-саяси жұмыстардың тиімді жүйесін жасауы тиіс.

Бұл турлы бүгін "Нұр Отан" ХДП-ның кезектен тыс ХV съезінде Елбасы Нұрсұлтан Назарбаев мәлім етті.

"Бұл - ана тіліміз бен ата-дәстүріміздің, ұлттық мәдениетіміздің мәңгі жаңғыру дәуірі. 2025 жылға дейін мектептегі балалар түгел қазақша оқып шыққан кезде барлығымыз қазақ тіліне көшетіндігімізді айттық. Конституцияда екі тілділік деген мәселе бар. Бұл - елдің бірлігі үшін, сыртымыздың және ішіміздің бүтіндігі мен тыныштығы үшін жасалып отырған амал. Тәуелсіздік алған жылы халқымыз қанша болғанын баршаларыңыз білесіздер. Ал қазір қазақша сөйлейтін халқы 70 пайыздан асқан өңірдің барлығы қазақ тіліне көшу керек", - деді Елбасы.

Қазақстан эпидемиологтары Қырғызстандағы оба індеті тараған аумақты залалсыздандыруға аттанбақ. Бұл туралы Денсаулық сақтау министрлігі хабарлады.

Ал Қырғызстанның Ыстық көл облысында оба жұқтырды деген күдікпен тағы үш адам ауруханаға жатқызылды. Оның бірі 21 жастағы Сары- Қамыш ауылының тұрғыны болса, қалған екеуі 12 және 2 жастағы сәби.

Қырғызстан Төтенше жағдайлар министрлігі мәліметінше, үш тұрғыннан да аса қауіпті аурудың алғашқы белгілері анықталған.

Қауіпті індет шыққан өңірде тамыздың 30- на дейін карантин жарияланды.

Естеріңізге салайық, өткен жұмада Қырғызстанда "обаға" шалдыққан 15 жасар жасөспірім көз жұмды. Белгілі болғандай, ол суырдың етінен әзірленген кәуап жепті.