Қазақша Құттықтау - тілек: 27 Наурыз - Актёрлар күні

Мамандықтың майталманы,
Сахнаның тарланы.
Өмір, көңіл тебіренісін,
Актер ғана айтады.
Қарапайым көріністі,
Жіберетін сән қылып,
Актерлардың асқақ күші
Таусылмасын мәңгілік.

Олар шықса сахнаға,
Жан бітеді қайнайды.
Тыныш тұрған қабырғалар,
Тіл бітіріп сайрайды.
Шын өмірді көргендей боп,
Көңіліңді байлайды.
Таланттары тас қашаған,
Актер мәңгі жайнайды.

Ол жыласа жүрек қалар салқындап,
Ол қуанса күлгің келер қарқылдап.
Тұп-тынық бір тылсым күйі шешілмес,
Актерлардың бойында тұр бар жұмбақ.
Әр күндерің шуақ құшып жинасын,
Әр көрермен махаббатын тыймасын.
Әр қыратта қиындықтар кездеспей,
Әр кейіпкер қуанышын сыйласын.