Қанатты (нақыл) сөздер: Майлықожа Сұлтанқожаұлы

15.06.2020

Жақсыға айтқан сөзiң ем болады,
Ақылы надандардың кем болады.
Жамандарға насихат айтқан сөзiң,
Жаңғырыққан шорменен тең болады.

Жақсы әйел - жігіттің кесектен соққан кентіндей,
Сары майға былғаған алуа, шекер, жентіңдей.

Жаман әйел көп ұйықтар.

Көпті көрген ер жігіт - көсем болар төселіп.

Әлемге толса көкірек - ашылар кезі сананың.

Өңкей жаман қосылса — шығарады егесті,
Мәмілемен іс бітер, бас қосып қалса көп есті.

Бақ пен дәулет тең келсе, адамның толар кемелі.

Тумақ — сүннет, өлмек — парыз.

Атыңа батса алтын ер — атып ұр да, отқа жақ,
Ынтымақ-үлгі іздесең — қариясы басшы топқа бақ.

Андысқан мына дүниеде - біреуге-біреу табашы.
Жігіттің бағы қайтады - ағайын-жұртын алдаса.

Бақ қонады ұл таңдап,
Қонақ қонар үй тандап.
Болымы жоқ бозбала,
Бейнеттен қашар бұлтыңдап.

Бағың барда, жігіттер, - тоқталып, сірә, іркілмес,
Жұрт қарасын қызығып, бәрекелді деп шіркінге.

Көңіл - мейман дүниеге.

Сабыр - ақылдың серігі.

Жаман әйел – жігіттің тайдырады табанын,
Тар қылады заманын.
Жақсы әйел – жігіттің жақсы қылар жаманын,
Ұшқыр қылар шабанын.

Алғаның жаман жолықса:
Үйіңнің іші шаң болар,
Ісіңнің бәрі қам болар.
Сол әлімен тұрмайды,
Киім таңдап паң болар.
Әңгіме, жаңжал қоздырар,
Өзгеден өзін оздырар.
Жиынға киер жібекті,
Тезек теріп тоздырар.
«Қай жеріңнен тойдым» деп,
«Не көрсетіп қойдың» деп,
Тағы өзіңді жазғырар.

Жаман болса әйелің – арманда өтер өмірің,
Артылғандай есекке.

Бақ пенен дәулет тең келсе, адамның толар кемелі.

Дәулет те біреуден көшіп, біреуге қона береді.

Тіл – өткір найза.

Доп

Мақала ұнаса, бөлісіңіз: