Дұға: Көлікке мінгенде және Жолға шыққанда

Оқылуы:

«Бисмилләһ, әлхамду лилләһ».

Мағынасы:

«Аллаһтың атымен, барлық мақтаулар Аллаһқа тән».


Оқылуы:

«Субхәнәл-ләзи сәххара ләнә һәзә уә мә куннә ләһу муқринин. Уә иннә илә раббинә ләмунқалибун».

Мағынасы:

«Бізге мұны бағынышты еткен Аллаһ пәк. Әйтпесе, біз оның маңына жақындай да алмас едік. Сөзсіз біз Жаратушы Иеміз жаққа қайтамыз» («Зухруф» сүресі, 13 аят).



Оқылуы:

«Әлхәмду лилләһи, әлхәмду лилләһи, әлхәмду лилләһи, Аллаһу әкбар, Аллаһу әкбар, Аллаһу әкбар, субхәнәкәл-лаһумма инни заләмту нәфси фәғфир ли, фә-иннәһу лә йәғфируз-зунубә иллә әнт».

Мағынасы:

Аллаһ барлық мақтауларға лайық! Аллаһ барлық мақтауларға лайық! Аллаһ барлық мақтауларға лайық! Аллаһ ұлы! Аллаһ ұлы! Аллаһ ұлы! Уа, Аллаһ! Сен пәксің. Әлбетте мен өзіме зұлымдық жасадым, мені Өзің жарылқа. Өйткені шын мәнінде Сенен басқа күнәларды жарылқаушы ешкім жоқ.

Әуелі лажы болса жол жүрерде"Сапар намазын"оқып,"Ей,Аллаһ,өзіңе өзімді тапсырдым,түрлі қауіп-қатерден сақтай көр.Тәуекел еттім"деп ниет етіледі.Содан соң мына дұғаны оқысын:
"Бисмилләһи,тәуәккәлту ъалал-лаху уә лә хаулә уә лә қууатә иллә билләһи"делінеді және де мүмкіндік болса,әрдайым жол жүрерде садақа беріп,шыққан пайдалы.Өйткені садақа адам баласына төніп келе жатқан пәлекетті қайтарады.
Көлікке мінгенде айтылатын дұға.
"Бисмилләһи,әлхамдулилләһи".Яғни,Алланың атымен бастаймын,Құдайға шүкір деген мағына.
Жоғары көтерілгенде және төмен түскендегі дұғасы.
Жоғары көтерілгенде:"Аллаһу Әкбар",ал төмен түскенде:"Субханаллаһ"қайталап айтылады.