Жаңалықтар

Жаңа жылда - жаңа төлем. 2014 жылдан бастап байлыққа салық салынады. Осылайша қазақстандықтар бекітілген көрсеткіштер бойынша қолда бар мүлкі үшін мемлекетке салық төлейді.

Мысалы, баспанаңыздың құны он миллион теңгеден асып жығылса, он бір мың теңге салық, оның үстіне пәтер құнының 0,25 пайызын төлейсіз. Ал үйіңіз жиырма миллионға жуықтаса 40 мың теңге салық пен пәтер құнының 0,45 пайызын мемлекетке төлеуге міндеттелесіз.

Ал элиталы пәтер үшін салық 800 мың теңгеден асып жығылмақ. Көлікке салынатын салық мөлшері де шарықтап тұр. Қозғалтқыш көлемі 3-4 мың текше сантиметрлік темір тұлпар үшін 60 мыңнан 120 мың теңгеге дейін салық төлейсіз.

Ал қозғалтқыш көлемі 4 мың текше сантиметрден жоғары көліктерге салынатын салық 240 мың теңге болмақ.

Естеріңізге салайық, мұндай салыққа қатысты заң жобасын талқылау кезінде Парламент депутаттары арасында қызу талқылау болған еді. Қозғалтқыш көлемі 3 мың текше сантиметрден асатын көліктерге салықты көтеру негізсіз деген парламентшілер, салықты біраз сын садағына алған.

"Біз бұл жобаны қабылдай алмаймыз. Себебі бұл жоба Президент бұйрығына кереғар. Салық жобасына толықтырулар енгізер кезде біз қалталы азаматтарға салмақ салуды көздедік. Демек орта тап зардап шекпеуі тиіс. Сондықтан салықты қымбат көлігі мен үйі барлар төлеуі тиіс!", - деген болатын ҚР Парламенті Мәжілісінің төрағасы Нұрлан Нығматулин.

Күш атасын танымас. 76 жастағы Алматы облысы Көксу ауылының тұрғыны кір тасын көтеруден Әмірбай Рысқұлов Гиннестің рекордтар кітабына енді.

Қария зілтемір көтеруден өз мықтылығын Ресейдің Архангельск қаласында дәлелдеген. Спортшы жетпістің желкесіне шықса да, Гиннестің рекордтар кітабына енгізетін халықаралық комиссия мүшелерінің алдында 10 келілік кір тасын жарты сағат тоқтамай 750 рет көтерген. Өзінің айтуынша, бұдан да көп көтеруге мүмкіндігі болған.

Дегенмен, рекорд жасау үшін 750-ге жеткізу негізгі меже болып есептеледі. Ал әлемнің кіл мықтылары мықтылықтарын дәлелдеуге арналған бәсекеге жалпы 400-ден астам спортшы жиналған.

Қазақ елінен Әмірбай Рысқұловтан басқа тағы 4 зілтемірші қатысса, Алматы облысынан барған 55 жасар Жұмахан Құзабаев та рекорд орнатты.

Қазір Әмірбай Рысқұловтың қоржынында 105 медаль болса, оның 65-і алтын. Спортшы бұл жеңісін Тәуелсіздігіміздің 22 жылдығына арнап отыр.

Фото: kolesa.kz

Қала басшысы жүргізуші жігіттің қайсарлығы арқасында тұрғындар өрттен зардап шекпегенін айтты.

Биыл 27 маусымда Александр тізгіндеп келе жатқан бензовоз Сейфуллин-Қабанбай көшелері қиылысында жарылып, 27 жастағы жігіт қаза тапты.

Отбасындағы жалғыз ұлдың соңында екі кішкентай қызы қалды. Александр Горюновты медальмен марапаттау туралы ұсынысты қала әкімі жасаған еді.

Бүгін "Назарбаев орталығы" ғылыми-зерттеу көп салалық мәдени орталығында Қазақстан Республикасының Тұңғыш Президенті мерекесі қарсаңында, "Тұңғыш - Первый" деректі кино апталығының 5-ші күні өтті.

Фото: 1tv.ru

Айтулы шараға ҚР Президентінің Кеңесшісі – Қазақстан Республикасы Президентінің Баспасөз хатшысы Дәурен Абаев келіп қатысты, деп хабарлайды baq.kz тілшісі.

Ол кездесу кезінде Елбасы Нұрсұлтан Назарбаевқа қатысты жастарды қызықтырған сұрақтарға жауап берді. Кино апталығына арнайы келген Қазақстан Республикасы Президентінің Кеңесшісі – Қазақстан Республикасы Президентінің Баспасөз хатшысы Дәурен Абаев Астана қаласы гуманитарлық колледжі мен "Тұран" колледжінің білімгерлерімен кездесіп, сұхбат құрды:

"Бүгінгі сіздермен кездесуден бас тарта алмадым. Өйткені болашағымыз, еліміздің ертеңі тікелей сіздерге байланысты. Бүгін сіздерге Президентті басқа ракурстан көруге мүмкіндік болса деймін. Адам бәріне өзінің қажымас қайратымен, адал еңбегімен жетеді. Сіздер үшін оның жарқын мысалы – Нұрсұлтан Әбішұлының тұлғасы.

Бүгін Астанада "Қазақ елі" монументі алаңында Астана қаласы әкімдігінің көмегімен, "AllurGroup" компаниясымен іске асырылған "Эко такси" қалалық таксопаркі инвестициялық жобасының тұсаукесері өтті.

Іс-шараға Қазақстан Республикасының Президенті Нұрсұлтан Назарбаев және Астана қаласының әкімі Иманғали Тасмағамбетов қатысты.

"Астана Эко такси" жобасы ЭКСПО-2017 Халықаралық мамандандырылған көрмені өткізуге қаланың инфрақұрылымын дайындау бойынша Әкімдіктің үш бағдарламасының бірінші іс-шарасы болып табылады. Жобаға: Astana mobility - қаланың көліктік инфрақұрылымы және логистика саласын жаңарту және жақсарту жөніндегі шешімдерді жүзеге асыру; Astana Green City - энергетикалық тиімділік және жаңартылған энергия көздері саласындағы шешімдерді жүзеге асыру; Welcome to Astana! - қаланың туристік қызығушылығын дамыту және қонақ үй және мейрамхана, қызмет көрсету саласының инфрақұрылымын халықаралық стандарттарға сәйкес келтіру жатады.