Бойжеткенді кафеге шақырған жігіт тамақ ақысын төлемей қашып кетті

Қырғызстанда жігіт бойжеткенді кафеге тамақтануға шақырып, 10 мың сом (45 мың теңге) тамақ ақысын төлеместен қашып кеткен. Бұл туралы Бішкек ҚІІБ-ның баспасөз хатшысы хабарлады деп жазады Stan.kz.

Полицияға шағымданған бойжеткен Азамат деген жігіттің Горький мен Радишев көшелерінің қиылысындағы кафелердің біріне тамақтануға шақырғанын, сағат 23:00 шамасында тамақтанып алып, ақысын төлемей қашып кеткені жайлы айтқан.

Полиция қыздың шағымынан кейін аз уақыт өтісімен Бішкек тұрғыны Э. Азамат есімді жігітті ұстаған. Қазір істің мән-жайы тексеріліп жатыр.