Моңғолия қазағы премьер-министрдің кеңесшісі қызметіне тағайындалды

Моңғолияның үкімет жетекшісі Чимэдийн Сайханбилэг кеңесшілерінің қатарын жас кадрлармен толықтырды деп хабарлайды baq.kz.

Жаңа кеңесшілердің қатарында Ауыл шаруашылығы министрінің кеңесшісі Б.Даваацэрэн, экс-үкімет басшысының кеңесшісі М.Хүдэрбаатарлар бар деп жазады kaznews.mn сайты.

Моңғол премьер-министрі өз кеңесшілерінің бірі ретінде ұлты қазақ Ержан Қабышайұлын да таңдапты. Ержан бұрын Жол-транспорт вице-министрі секілді лауазымды қызмет атқарған болатын.

Бүгінде Ержан Қабышайұлы Баян-Өлгий аймақтық демократиялық партиясының жетекшісі.