"Арғындар Ұлы жүзбен құда болды": Алтынай Жорабаева кімге тұрмысқа шықты.

Бүгін екінші мәрте тұрмысқа шықпақ екенін хабарлаған Алтынай Жорабаеваның сүйіктісі жайлы тың мәлімет белгілі болды. Көпбалалы әншінің таңдауы кімге түскенін оның өз келіні айтып қойды. Талғат Жорабаевтың жары жұлдызды қайын әпкесі енді өзіне одан бетер жақын бола түскенін астарлап жеткізді деп жазады NUR.KZ

Алтынай Жорабаеваның арқа сүйер азаматын жолықтырғанын оның туған келіні желіде растады. Аяулым Жанатова өзінің Instagram парақшасында екі ойлы жазба жариялап, көпшілікті таңғалдырған.

Талғат Жорабаевтың келіншегі қайын әпкесі енді өзіне жеңге болғанын хабарлап, желідегілерді одан бетер ойландырып қойды. Оның сөзінше, өнер иесі арғын еліне келін болып түскен.

"Әпкетай-Жеңешем бақытты болыңыздар. Ағам алтын ғой алтын. Осындай жезде тауып берген сізге Алла разы болсын! Аллаға шүкір етемін. Сіз бақытқа лайықсыз Жеңешелі болып жатырмын ал қыздарым. Қайын әпкем одан бетер жақын болды-ау. Ағамның гүлі болып жүре беріңіз. Арғындар ұлы жүзбен құдаласып жатырмыз ал" , - деп жазды ол.

Келінің бұл ақ тілегіне Жорабаеваның өзі де жауап берген. Ол жазбаның астына "қайын әпке - жеңеше" деп жазып кеткен.