Мадина Сәдуақасованың күйеуі өзінен кіші болып шықты

2 ақпан күні Алматы қаласында танымал әнші, халықтың сүйікті де ерке қызы Мадина Сәдуақасова Олжас Смағұловпен тұрмыс құрды.

Белгілі болғандай, тойы Esperenza ресторанында өткен. Ал күндіз, жары Олжас екеуі неке сарайында некелерін қидырған деп жазады neke.kz сайты.

Мәдина тойға екі көйлек киген, бірін құрбысы сыйға тартса, екіншісін өз дизайнері арнайы Мәдинаның тойына тіккен деседі.

Некелесу кезіне Мәдина иығын шілтермен жапқан ақ көйлек киген болатын. Ал кешкі тойға Мәдина көбелектермен сәнделген бал көйлегін киіп шықты, ал Олжас күйеу жігіттің бутоньеркасы ақ гүлден ақ көбелекке ауысқан.

Мәдина жары Олжаспен осыдан 4 жыл бұрын танысып, тек 2013 жылдан бері ғана кездесе бастаған.

Ал күйеу жігіт Олжас Мәдинаға тұрмысқа шығуға ұсынысты оның туған күні 8 қыркүйекте тәтті торттың ішіне сақина салып айтқан екен.
Үлкен жас айырмашылығына қарамастан (Олжас 1986 жылғы), Мәдина өзін сүйген, өзі сенген азаматқа келісімін беріп, кеше көптен күткен тойларын өткізді.

Мақала ұнаса, бөлісіңіз: