Ауылға келін болып түскен қалалық ару жан сырымен бөлісті (фото)

Шымкенттік Айдана Ыбырайдың қаладан ауылға келін болып түскеніне жеті жылдан астам уақыт өткен. Бүгінде үлгілі келін атанып отырған ол, nur.kz тілшісіне қайын жұрттың тілін тауып, қалай үлгілі келін атану керектігін айтып берді.


- Айдана, оқырмандарға өзіңізді таныстырып өтесіз бе?

- Шымкент қаласында туып-өстім. Қазір Төле би ауданы, Нысанбек ауылының келінімін. Жолдасым екеуміз үш баланы тәрбиеліп отырмыз. Жергілікті мектепте мұғаліммін. Алайда қазір бала күтімі бойынша үйде отырмын.

- Қаладан ауылға келін болып түсіп, нағыз үлгілі қазақ келіні болып отырсыз. Қазақтың ибалы келіні атану үшін, қыз балаға қандай қасиеттер керек деп ойлайсыз?

- Жас келіндер жарының табалдырығын аттаған соң, сол отбасын бақытты ету үшін, ұрпағын көбейту үшін бара жатқанын білу керек. Өзімді мақтап, жақсы келінмін деп айта алмаймын. Мен үшін ел-жұрттың алғысына бөленіп, батасын алып жүргеннен артық бақыт жоқ.


Көктемнің алғашқы күнімен құттықтаймын сіздерді??. Менің сіздерге алғысым шексіз. Алланың нұры жаусын баршаңызға?аумин.

Ененің тарапынан атқарылуы қажет шаралар:

1. «Қызым, саған айтам, келінім сен тыңда» деген тамаша сөз бар. Енелер келінге айтқысы, көрсеткісі келген тәрбиені өз қызына үйрету арқылы іске асыраса құба құп.

2. «Мен айтамын, ол істеу керек». Келін – қандай жағдайда да өзге отбасының тәрбиесімен бой жетіп, жаңа ортаға аяқ басқан бөтен адам. Сондықтан, енелеріміз бөтен бір адамды жұмсағанда, жат кісіге сөзін өткізу керек болғанда қандай тәсілді қолданса, келінге қатысты өтініште де сол әдісті пайдаланғаны абзал екен.Кінәлайтын емес, үйрететін стильді пайдалану. Бұл шай үстінде көңіл жайланған соң болуы мүмкін.

3. Енелеріміз келіннің жақсы қасиеттерін көріп, өз дәрежесінде баға беріп, мақтап, елеп-ескеріп отырса көп тұстан ұтады. Ағайын-туыстың көзінше ілтипатты сөздер айтып қойсаңыз қандай жақсы! Оның бұл әдісі келінге мотивация болып, онан сайын жақсы қызмет етуге деген құлшынысын оятады.

4. Өз қызымыздан көретін құрметті, өз қызымыздан күтетін сыйды келінімізден қаласақ, қызымызға сыйлық алғанда келінді де бөле-жармауды әдетке айналдырайық. Сонда келін де енесін өз анасынан бөлмеу керектігін ұғынады.

5. Сыйлық – адамның нәпсісіне жағатын нәрсе. ).
Мұны түсінген ақылды енелер келінге кезең-кезеңмен сыйлық жасап тұруды қолға алар. Сыйлықтың тым қымбат болуы шарт та емес. Мәселен, жаңа түскен кезде ас үйге қажетті алжапқыш, қолғап немесе қолға жағатын крем. Жүктілік кезде дәрумендер, орамал т.б. Балалы болғанда жеке гигиеналық заттар т.б. алуға болады.

6.«Ерлі-зайыптылардың арасына есі кеткен түседі» . Алайда, ене мен келіннің, келін мен баланың арасындағы суықтықты жылыту, алшақтықтың орнын толтыру оңай шаруа емес. Керісінше, келіннің көзінше баласына: «Өзіңнен де бәле бар! Нең бар еді соны айтып?!» деген сияқты жеку сөздер айтып қойсақ жақсы. Ененің баласы мен келіннің арасындағы жарастырушы «алтын көпір» екенін ұмытпағаны абзал.
Бір-бірінің «жамандығын жасырып, жақсылығын асырып» жүрген ене мен келіннің қатынасы қандай көркем?! Жалғасы керек пе?
Бұл ақпараттар керемет енді?

- Қайын жұртыңызға да сыйлысыз ғой?

- Дәл солай. Мен өсіп-өнген, үлкен отбасының келінімін. Абысындарыммен, қайын жұртыммен ара-қатынасым ешқашан бұзылған емес. Олар да маған осы күнге дейін қабақ шытып көрмепті. Керісінше, алақандарына салып, құрметтеп келеді.

- Әлеуметтік желіде танымал екенсіз. Instagram желісінде тіпті 100 мыңнан астам оқырманыңыз бар екен. Мұндай танымалдылыққа қалай ие болдыңыз?

- Иә, алайда мен өзімді блогермін деп санамаймын. Мен тек қазақтың қарапайым қызымын. Желідегі оқырмандарыма ең алдымен менің ауыл тіршілігі туралы жазған жазбаларым ұнайтын сияқты. Сол үшін әлеуметтік желідегі парақшама жазылушылардың саны күн санап артып келеді.



Ауыл менен қалаға, үнемі ішек-қарын тазалап,қонақ күтуден жалықпайтын қара келіндеріңізден жалынды сәлем??. Суретке жүректі аямай бассаңыздар қуанып қалар едім❤❤❤?. Мен жайлы сұқбаттасып, мақаланы жарыққа шығарған Мейіргүл қыздарыңыздың "Сүй жаным" әңгімесін "Сүйген жүректі" кешелі бері сүйсініп оқып шықтыңыздар. Осыдан жарты жыл бұрын менен әңгіме жазудың қыр сырын сұрап,кеңес сабақ алған Мейіргүл кәсіби журналисттің өзі болып шықты. Қандай керемет ә? Плагиат, анау-мынау деп бірден жаман ойлап, жерге тыққанша бір сәт жақсы ойласаңыздар қайтті. Кім не деседе мен өз шәкіртіммен мақтанамын.

- Оңтүстіктің келіні болған соң, салт-дәстүрді де ұстанасыз ғой?

- Келген жерім дәстүрді қатты ұстанбағанымен, өзім әжемнен, анамнан көргендіктен, барынша салт-жоралғыларды ұстануға тырысамын. Ауылдық жерде бастаңғы, бәсіре, көрімдік беру, абысын шай сияқты дәстүрлердің барлығын ұстанамын. Орамал тағуға да ешқандай қарсылығым жоқ, керісінше ол біздің салт-дәстүріміздің ажырамас бөлігі екенін естен шығарған емеспін.

- Қазіргі таңда жас келіндер мен ененің дәм-тұздары жараспай, отбасының шайқалуы сияқты жағдайлар көз кездесіп жатады. Ол жөнінде не айтасыз?

- Қазір келін түсіріп жатқан отбасылардан "келінім емес, қызым сияқты қарайтын боламыз" дегенді жиі естіп жатамыз. Негізі бұл сөздің астарында үлкен мағына жатыр. Түскен келін сол үйдің қызы емес, келіні болып баратынын білу керек. Себебі ол үйдің алақанында аялап отырған өз қыздары да бар.

Ер адамдар үшін де анасы мен сүйген әйелінің татулығынан асқан бақыт жоқ деп ойлаймын. Жұмыстан үйге келген уақытта, анасы мен келіншегі шүйіркелесіп, дәмді тағам дайындап жатса, қандай бақыт, иә? Үйдің татулығы көп жағдайда келін мен енеге байланысты. Сондықтан жас қыз-келіншектерге айтарым, енелеріне өз аналарындай қараса екен деймін.

- Қазір түрлі семинар-тренинг, марафондар сынды шаралар қаптап кетті. Үйде отырған әйелдер әсіресе әлеуметтік желі арқылы, жарнама жасап ақша табатын болған. Оған қалай қарайсыз?

- Меніңше, біреуге ақыл айтпастан бұрын, желіде тым құрыса өзінің бір суретін жариялау керек деп ойлаймын. Жалпы мұндай ақыл-кеңесті тек өмір көрген, өмірден түйгені бар жандар беруі тиіс деген ойдамын.