Он бес жасар оқушы қатерлі ісікті емдеу тәсілін ойлап тапты

Он бес жасар Джек Андрака қатерлі ісікті емдеудің тың тәсілін ойлап тапты. Жасөспірімге медицина саласында айтарлықтай жаңалық ашуға отбасылық жағдайы әсер еткен.

Бұл туралы Adme.ru жазды. Оның туған жездесі мен отбасына жақын адамдар асқазан қылтамағынан қайтыс болған.

Осы жағдайдан кейін Джек Андрака 200 ғылыми медициналық зерттеу орталықтарына онкология саласында зерттеу жұмыстарымен айналысқысы келетіні туралы хат жолдаған. Бастапқыда баланың бұл құлшынысына ешкім мән бермеген.

Тек, дәрігер онколог Джон Хопкинс балаға мектептен кейін келіп, өзінің зертханасында жұмыс істеуіне рұқсат береді. Осылайша жас ғалым асқазан қылтамағын емдеуге болатын кезеңде алдын-ала анықтауға мүмкіндік беретін диагностикалық тесті ойлап табады.

Оның тың тәсілі 168 есе жылдам, 400 есе дәлірек, 26000 есе арзан. Жасөспірімнің бұл еңбегін ғалымдар мен бірге Intel компаниясы да жоғары бағалады. Ол Джек Андракаға елеулі еңбегі үшін $75,000 көлемінде сыйақы берді. Сондай-ақ жас ғалым компанияның жарнамалық ролигіне түсіп үлгерді.