Мемлекеттік тапсырыс 2017-2018: Білім гранты иегерлерінің тізімі шықты

Мемлекеттік білім беру тапсырысының 2017-2018 жылдарға арналған тізімі шықты. Қазақстандық талапкерлер мен студенттер өз мамандықтары бойынша бөлінген грант тізімімен таныса алады.

Құжат жоғары және жоғары оқу орнынан кейінгі білім беру мен сырттай, жеделдетілген оқу формасына қатысты. Министрліктің бұйрығына қосымша, мемлекеттік бюджеттен қаржыландырылатын жоғары оқу орындарындағы бакалавр, магистр және PhD докторларды дайындауға бөлінетін квота да көрсетілген. Жеңілдікті қажет ететін жандар мен шеттен келген қандастарымызға тиесілі квота да бөлек.

Биылғы оқу жылында грант саны бұрынғыдан көп болады. Бұл туралы бұған дейін айтылған болатын. Мемлекет 9524 магистрді (өткен жылы 7429 болған) тегін оқытады. Олардың 2050-і білім беру саласында (былтыр 1412 болған), 681-і «Әлеуметтік ғылымдар, экономика және бизнес» (былтыр 390 болған), 451-і ауыл шаруашылығы саласында (былтыр 341 болған) білім алады. Мемлекет техникалық мамандықтарға ерекше көңіл бөліп отыр. «Техника және технологиялық ғылымдар» бағыты бойынша 4243 грант беріледі (былтыр 3365 болған).

Бұл гранттардың Қарулы Күштер мен арнаулы мемлекеттік органдарға маман дайындайтын білім беру мекемелеріне қатысы жоқ. Мамандықтарға бөлінген квотаның толық тізімімен мына сілтеме арқылы танысуға болады сілтемелер арқылы танысуға болады :
- 2017-2018 оқу жылына арналған күндізгі оқу нысанындағы мамандықтар бөлінісінде жоғары білімі бар мамандарды даярлауға арналған мемлекеттік білім беру тапсырысы (https://goo.gl/nxzJT8).
- 2017-2018 оқу жылына арналған сырттай қысқартылған оқу
нысанындағы мамандықтар бөлінісінде жоғары білімі бар
мамандарды даярлауға арналған мемлекеттік білім беру тапсырысы (https://goo.gl/tMCxnw).
- 2017-2018 оқу жылына магистрлерді даярлауға арналған
мемлекеттік білім беру тапсырысы (https://goo.gl/GYpTSb).
- 2017-2018 оқу жылына PhD докторларын даярлауға арналған
мемлекеттік білім беру тапсырысы (https://goo.gl/87Yy3B).