Күйеуіңізден мына белгілерді байқасаңыз, онда оның эмоционалдық ауытқуы бар

Егер күйеуіңіз осы 5 әрекетті жасайтын болса, онда оның эмоционалдық ақыл-есі кем.

Менің бұрынғы күйеуімнің мінезі қиын болды. Ол маған қол көтеріп, қорлап, төмендете беретін. Сегіз жыл бірге тұрған соң, біз ажырасып кетті. Бірақ ол өзімен бірге менің намысым, өзімді бағалауымды, үмітім мен армандарымды қоса алып кетті. Қалайша?

Мұны ғылымда эмоционалды зорлық-зомбылық деп атайды. Ал физикалық тұрғыдан көрсетілетін зорлық көзге көрініп тұрса, оны елдер эмоционалдық тұрғыдан ауытқуы бар адам екенін ескермей жүре береді.

Сондықтан, еріңіздің әрекеттеріндегі мына белгілерге қарап, оның шын мәнінде эмоционалды зорлық-зомбылық көрсетіп жүргенін көруге болады.

1. Барлығына сіз кінәлі екеніңізге сендіреді

Эмоционалды психопаттар үнемі жаман болып жүрмейді. Көп жағдайда оларға жететін адам жоқ секілді болып көрінеді. Сіздер ұрысып жатқанда, ол сізді сабырға шақырып: «Жаным, мен ұрысқым келмейді. Өзіңнің ашуыңмен біздің кешіміздің быт-шытын шығарғың келмейтін шығар?", - деуі мүмкін.

Көрдіңіз бе, ол ұрыстың неден шыққанына назар аудармайды. Сізге айқайлаған да жоқ, бірақ ақырында айқай-шуды сіз бастап, сіз шығарғандай көрсетеді. Барлығына өзіңіз кінәлі болып шығасыз.

2. Ол өзінің өтірігін шындық секілді етіп жеткізеді

Ол сіздің дұрыс ойыңызды әп-сәтте бұрыс қылып жібереді. Сіз өз пікіріңіздің дұрыстығына күмәнмен қарай бастайсыз.

Мәселен, егер әйелі күйеуінің көзіне шөп салғанын біліп қойып, оның ашынасына жазған хатын оқып қойса да, күйеуі бет бақтырмайды. Айғайға басады.

«Сен ешнәрсені де дұрыс түсінбедің. Маған сенбей тұрғаныңа мен де сене алар емеспін. Бірақ сен үнемі сөйтесің. Мен осының барлығына шыдап жүрмін. Шаршадым. Ажырасқың келеді де тұрады", - деген сияқты сөздерді қайталай береді.

Ол бұл сөздерді бірнеше рет қайталаған соң, әйел өзін кінәлап, "адал күйеуіме жала жауып отырмын" деген ойда қалады. Ер адам осылайша өзінің ойлап тапқан нәрсесіне сізді де сендіріп қояды.

3. Қандай жағдай болмасын сіз кінәлісіз

Бұл бірінші айтылған белгіге ұқсайды. Бірақ сәл ұқсамайтын тұсы бар. Сіз өмірдегі кез келген нәрсеге және үнемі кінәлісіз. Тіпті оның қателіктеріне де ақыр соңында сіз кінәлі болып шығасыз. Оның жұмысында қиындықтар болды ма? Оған сіз кінәлісіз, себебі үйде оған тыныштық бермедіңіз. Оған жолда айыппұл салынды ма? Демек, сіздің кінәңіз. Сіз оны ашуландырып, ол жылдамдықты асырып қойды. Осылай жалғаса береді.

4. Ол сізді үнемі сөзбен қорлайды

Эмоционалдық тұрғыдан ауытқуы бар ер адамдар сіздің өте жақсы адам екеніңізді іштей сезеді. Тіпті өзінің сізге жетпейтінін де ұғынады. Сол үшін де ол сізді бақылауда ұстағысы келеді. Сізді сөзбен қорлап, әдемі емес, бейшара етіп көрсеткісі келеді.

Сіз оған сене бастайсыз. Сізді одан басқа ешкім сүйе алмайтынын түсінгендей боласыз.

5. Сізді қоғамнан алшақ ұстағысы келеді

Ол сізді достарыңызбен кездестіргісі келмейді. Жұмыстағы әріптестермен де, топтас, сыныптастарға жолатқысы жоқ. Себебі, сіздің қандай екеніңізді айтып қояды деп іштей қорқақтайды. Өздері сезбесе де, сіздің одан асып тұрғанын көргісі келмейді.