Жапондықтардың жасартушы маскасы

Бұл масканы аптасына бір жасап, жүзіңіздегі 10 жылдың таңбасын жойыңыз
«Жапон әйелдерінің орта жастан асса да, сыны кетпейтін сұлулығының сыры неде?» деген сұрақ сізді де ойландырған шығар... Ендеше, оның жауабымен танысыңыз. Төмендегі масканы аптасына бір рет жасап, сымбатыңызды арттырып, әлдеқайда жасара түсіңіз.
Гейшалар шашын жібектей жұмсарту үшін күрішті қолданған. Яғни шашын күріш суымен шайған. Сонымен қатар бет терісінің күтімі үшін де күріштің көмегіне жүгінген. Күріш ұны салынған шағын қапты ыстық суға салып алып, астына ыдыс қойып, суын сорғытып іліп қойған. Күріш салынған қаптан аққан сол сумен беттерін жуған. Күріш суы бет терісін ультракүлгін сәуледен қорғап, әжімнің алдын алады және теріні нәрлендіреді. Сондықтан да күріштен жасалған маскалар бет терісі үшін өте маңызды. Ол теріні салбырап қалудан қорғап, тартып тұрады.

Бет терісіне арналған маска:
3 ас қасық күріш ұны
2 шай қасық бал
1 шай қасық қаймақ

Барлығын жақсылап араластырып, бетіңізге жағыңыз. 30 минуттан кейін сумен жуып тастаңыз. Минералды сумен жуған дұрыс.
Бұл масканы барлық бет терісіне қолдануға болады.