Жұмбақтар жауабымен: Киім-кешек (аяқ киім, етік, қолғап, тақия, көйлек)

21.10.2019

Қайда жүрсең,
Қосарлана шабады.
Үйге кірсең,
Босағада қалады.
Аяқ киім

Іші жыртық,
Сырты тыртық.
Кедейдің киімі

Ерте тұрдым,
Алып ұрдым.
Етік

Дөңгелек өзі,
Төртеу көзі.
Ұстайды мықтап,
Тұрғанды сырттап.
Түйме

Киімдегі қуыс,
Ұсақ-түйекке ыдыс.
Қалта

Қандай байлық ішінде,
Барын өзім білетін,
Қоймалар көп үстімде,
Көшіп бірге жүретін.
Жанқалталар

Аузы біреу, бес құдық,
Қыстыкүні бойлатам,
Бесеуіне бес құрық.
Қолғап

Есігі біреу,
Бөлмесі бесеу.
Қолғап

Қаз-қатар тесігі бар,
Қалпақсыз есігі бар.
Көмейінде тілі бар,
Аузын буар жібі бар,
Кеме сынды пошымы,
Білсең айтшы, осыны?
Бәтеңке

Күні бойы жүргізеді,
Үйге де кіргізеді.
Бірақ, өзі ізетті,
Босағада қалып
Шығуымды күтеді.
Аяқ киім

Күндіз
Таяғымды қаптаймын,
Түнде
Босағаға тастаймын.
Аяқ киім

Іші - егіс,
Сырты - тегіс.
Тон

Сырт жағына зер жіппен,
Көз тартатын көрікпен,
Ою-өрнек бастырған,
Шалқасынан тастаған,
Кәдімгі сырлы тостаған,
Қойсаң егер төңкеріп,
Төңірегін көмкеріп,
Тостағандай бос тұрған,
Киіз үйден аумайды,
Басқұрмен бастырған.
Тақия

Әшекейлі күбіні,
Үюлі тұрған шөмеле,
Кигіздім биік төбеге.
Сәукеле

Әжеме өң берген,
Жиегін көмкерген.
Етегі желкендей,
Киім еді ол нендей?
Кимешек

Ортасы күмбез.
Іргесі тегіс-ті.
Күннен қорғайды,
Шындағы егісті.
Қалпақ

Адамның сәні,
Онсыз жоқ мәні.
Киім

Сұлу-сұлу құнаным,
Сылдырлаған жүгенім,
Аяз күнде мінбеген,
Аяғы жерге тимеген.
Сәукеле

Киiмдегi қуыс,
Ұсақ-түйекке ыдыс.
Қалта

Қандай байлық iшiнде,
Барын өзiм бiлетiн,
Қоймалар көп үстiмде,
Көшiп бiрге жүретiн.
Жанқалта

Ағайынды бес туыс,
Жамылатын тоны бiр.
Бесеуiнде бес қуыс,
Сырттан кiрер жолы бiр.
Қолғап

Аузы бiреу бес құдық,
Қыстыкүнi бойлатам,
Бесеуiне бес құрық.
Қолғап

Қаз-қарта тесiгi бар,
Қақпақсыз есiгi бар.
Көмейiнде тiлi бар,
Аузын буар жiбi бар,
Кеме сынды пошымы,
Бiлсең айтшы, осыны?
Бәтеңке

Судан ғайып,
Әжемде бар
Қос қайық.
Кебіс

Бес айналы туыс,
Тапқаны бiр қуыс.
Тырнақ пен етік

Қолы бар,
Саусағы жоқ.
Мойны бар,
Басы жоқ.
Көйлек

Сырт жағына зер жiппен,
Көз тартатын көрiкпен.
Ою-өрнек бастырған,
Шалқасынан тастаған,
Кәдiмгi сырлы тостаған,
Қойсаң егер төңкерiп,
Төңiрегiн көмкерiп,
Тостағандай бос тұрған,
Киiз үйден аумайды,
Басқұрмен бастырған.
Тақия

Әкем ақ тауын,
Ақ шарбымен орады.
Сәлде

Ортасы күмбез,
Жиегiн көмкерген.
Етегi желкендей,
Киiм едi ол нендей?
Кимешек

Қыста,
Шығарда тысқа,
Құлағы салпақ,
Құйрығы жалпақ,
Төбесi жайпақ,
Түктi маңдайы тайпақ,
Iшi мамық байпақ.
Қара орманды қаптадым,
Сөйтiп жан сақтадым.
Тымақ

Дорбаға тығып, бас бағын,
Байлай салдым қос жағын.
Тымақ

Адамның сәнi,
Онсыз жоқ мәнi.
Киiм

Гүлдерi бар құлпырған,
Кең жазықтан аумайды.
Оған әркiм ұмтылған,
Киiм киер оңтайлы.
Мата

Аузы бар, тісі жоқ,
Ештеңемен ісі жоқ.
Аяққа ілсең жүреді,
Өздігінен күші жоқ.
Кебіс

Бәрін-бәрін білесің;
Бас, аяқты, кеудені.
Үнемі сен
Тұмшалаумен жүресің.
Қыста аязда берілмей,
Емін-еркін күлесің.
Қыс киім

Доп

Мақала ұнаса, бөлісіңіз: