Сабақ жоспары (ұмж): Параллелограмм (Геометрия, 8 сынып, I тоқсан)

Пән: Геометрия
Ұзақ мерзімді жоспар бөлімі: Көпбұрыштар. Төртбұрыштарды зерттеу
Сабақ тақырыбы: Параллелограмм
Осы сабақта қол жеткізілетін оқу мақсаттары (оқу бағдарламасына сілтеме): 8.1.1.3 параллелограммның анықтамасын білу;
8.1.1.4 параллелограммның қасиеттерін қорытып шығару және қолдану.
Сабақ мақсаттары: Параллелограмм анықтамасы, элементтерін, қасиеттерін білу.

Амандасу. «Жылан» стратегиясы арқылы сыныпта қолайлы психологиялық ахуалды қалыптастыру. Әрбір оқушының арқасына бір парақ қағаз жабыстырылады, ал оқушылар онда бір -бірлеріне жайлы сын есімнен құралған 1-2 сөз жазады. Кейін әрбір оқушы парақ қағазды алып, өздері жайлы жазылған сын есемдерді оқиды.

Бейне жазба көру «Сәйкес бұрыштар»

Оқушылар параллель түзулердің қасиеттерін және екі параллель түзулерді үшінші түзу қиғанда пайда болатын бұрыштарды қайталап шығады.

Практикалық тапсырма №1
1. Екі параллель түзу сызыңдар;
2. Осы түзулерді қиятын және пайда болатын сәйкес бұрышы сүйір болатындай үшінші түзуді сызыңдар;
3. Қиюшы түзуге параллель түзу сызыңдар;

Тақырыпқа шығу:
Осы түзулермен шектелген қандай фигура пайда болды?
Төртбұрыштың бірі түрі – Параллелограмм

Анықтама. Қарама –қарсы қабырғалары параллель болып келген төртбұрыштар параллелограмм деп аталады.

Практикалық тапсырма арқылы оқушылар біріншіден, тақырыпқа өздері шығады, екіншіден, параллелограммды дұрыс сызуға үйренеді және түсінеді. Анықтаманы өздері айта алады. Ал мұғалім түпнұсқасын презентацияға шығарып көрсетеді.

«Мозайка» стратегиясы бойынша оқушылар үш топқа бөлінеді: «қызыл», «жасыл», «көк» түсті
Бейне жазба көру Параллеограммның қасиеттерін қорытып шығару мақсатқа жету үшін келесі бейнетаспаны көрсету:

«Үшбұрыштардың теңдігінің ІІ белгісі»

Тақтаға келесі тапсырма көрсетіледі

осы сызба бойынша параллелограммның қасиеттерін қорытып, дәлелдеңіздер:
кілтті сөздер
­ қарама-қарсы қабырғалар.... «көк» топқа
­ қарама-қарсы бұрыштар.... «жасыл» топқа
­ диагональдары..... «қызыл» топқа

Бұл стратегия бойынша әр топ өз тапсырмаларын орындап болған соң, әр топтан бір оқушы басқа топқа барып, өз тапсырманың жауабын түсіндіреді. Соңында топтар әр түрлі түстер боп араласады.
1-қасиет. Параллелограмның қарама-қарсы қабырғалары тең және қарама-қарсы бұрыштары тең.
2-қасиет. Параллелограмның диагональдары қиылысу нүктесінде қақ бөлінеді.

Оқушылардың қорытып шығарған қасиеттеріне түзету жасап, дәлелдеу жолдарын толықтырп, түпнұсқасын тақтада көрсету........