Сабақ жоспары (ұмж): Мәтін есептерді шығару 2-сабақ (Алгебра, 7 сынып, I тоқсан)

Пән: Алгебра
Ұзақ мерзімді жоспар бөлімі: Бүтін көрсеткішті дәреже
Сабақтың тақырыбы: Мәтін есептерді шығару 2-сабақ
Осы сабақта қол жеткізілетін оқу мақсаттары: 7.5.2.1 Өте кіші немесе өте үлкен сандармен берілген шамаларға байланысты есептер шығару;
Сабақтың мақсаттары: Өте кіші немесе өте үлкен сандармен берілген шамаларға байланысты есептерді шығару.

Ұйымдастыру кезеңі. (3 мин)
Сәлемдесу. Оқушыларды түгелдеу. Оқушылардың сабаққа дайындығын тексеру.
Үй тапсырмасын тексеру.
Жұппен ауысу жұмыстарын ұйымдастыру. Әр оқушы өздері құрастырған есептерді жұптарына береді, содан кейін оқушылар есептерді шығарады және жауаптарын салыстырады, қызықты есептерді қарастырады.
Сабақтың тақырыбы мен сабақтың мақсатын тұжырымдау және жазу.(1 мин)
Өте кіші немесе өте үлкен сандармен берілген шамаларға байланысты мәтін есептерді стандартты түрде жазылған сандарға амалдар қолдану арқылы шығару жұмыстарын жалғастырамыз
Сабақтың тақырыбы мен сабақтың мақсатын жазу (слайд 1).
Білімді жетілдіру (6 мин)
Сабақта табысты жұмыс істеу үшін стандартты түрде жазылған сандармен амалдардың алгоритмін қайталаймыз.
Амалдарды пікір білдіру арқылы ауызша орындау ұсынылады. Оқушылар слайдтағы 2,3,4,5 тапсырмаларды ауызша орындайды.
Өтілген тақырыпты мәтін есептерді шығаруда бекіту.
Бізді қоршаған ортада тек қана өте үлкен сандармен емес, сонымен қатар өте кіші сандармен де есептер шығару керек болады. Бұл сандарға мысалды микробиология, химия және басқа да ғылымдарда кездестіруге болады. Кестеде (слайд 6) кейбір кіші денелердің өлшемдері берілген.
1 Үшкір түйрегіш 0,0001 м
2 Инфузория-туфелька 0,0002 м
3 Пневмония бактериясы 0,0000001 м
4 Қан жасушасы 0,00000075 м
5 Ақуыз молекуласы 0,00000001 м
6 Сутегі атомы 0,0000000002 м

Жеке жұмыс (5 мин)
1тапсырма.
Сандарды стандартты түрде жазу арқылы кестенің үшінші бағанын толтырыңыз және кіші денелердің номерлерін қолдану арқылы сандарды кему ретімен жазыңыз.
Оқушылар тапсырманы жеке орындаған соң нәтижелерімен басқа жұптармен бөліседі
Жұппен жұмыс (10 мин)
2 тапсырма.
Берілгендер бойынша есеп құрастырыңдар. Жұптарыңмен есептермен алмасыңдар және олар құраған есептерді шығарыңдар. Тапсырманы орындауға кіріспес бұрын бағалау критерийлерін әзірлеңіздер.
Бағалау критерийлерін әзірлеу және талқылау .
Мүмкін нұсқалар:
1. тапсырманың мазмұны (сюжет);
2. күрделілік деңгейі;
3. тапсырманың шартына сәйкестігі;
4. дұрыс шешім.
Оқушылар жұппен жұмыс жасау арқылы тапсырманы орындайды.Қызықты тапсырмалар сыныппен талқылауға ұсынылады. Критерийлерге байланысты ішінара бағалау жүргізіледі.
Мақсатқа жету деңгейін тексеру (15 мин)
Мақсатқа жету деңгейін анықтау үшін жеке жазбаша өзіндік жұмыс ұсынылады.
Тапсырмалар.
1) Егер жарықтың жылдамдығы 3∙105 км/с болса, ол 1,2∙106 с-та қанша жол жүреді?
2) Бір планетаның массасы 5,98∙1024 кг, ал екінші планетаның массасы 6,4∙1023 кг. Қайсысы үлкен: бірінші планетаның массасы ма, екінші планетаныкы ма? Қаншаға үлкен?
3) Бір жұлдызды дененің массасы 1,9∙1024 кг, ал екіншісінікі 4,87∙1024 кг. Қайсысы кіші: Бірінші жұлдызды дененің массасы ма, екіншісінікі ие? Қаншаға кіші?......