Сабақ жоспары (ұмж): Жануарлардың тіршілік ортасының өзгеруі 2-сабақ (Жаратылыстану, 3 сынып, I тоқсан)

Пән: Жаратылыстану
Ұзақ мерзімді жоспар бөлімі: Жанды табиғат. Жануарлар
Сабақтың тақырыбы: Жануарлардың тіршілік ортасының өзгеруі 2-сабақ
Осы сабақта қол жеткізілетін оқу мақсаттары: 3.2.2.5 тіршілік ортасындағы жағдайдың өзгеруіне байланысты жануарлар санының өзгеруін түсіндіру;
3.1.2.1 ақпарат көзінің түрлерін анықтау;
Сабақтың мақсаты: Оқушылар:
жануарлардың тіршілік ортасының өзгеру себептерін анықтайды;
тіршілік жағдайы өзгеруінің жануарларға әсерін түсінеді.

Ұйымдастыру.
«Иә немесе Жоқ»
Оқушыларға сөйлемдер оқу, «ия» немесе «жоқ» деп жылдам жауап беру және өз жауабын дәлелдеу.
1. Жануарлар суда, құрлықта, топырақ арасында тіршілік етеді.
2. Табиғат үшке бөлінеді.
3. Жануарлар өз тіршілігіне қолайлы жерде мекендейді.
4. Олар тіршілік ортасына дұрыс бейімделмеген.
5. Жануарлардың өздеріне қолайлы жерде мекен етуін тіршілік ортасы дейміз.
6. Жануарлар өсімдіктің көбеюіне көмектеседі.
7. Жыртқыш аңдар өсімдікке зиян келтіреді.
8. Өсімдіктердің тұқымын құстар таратады.
9. Жан-жануарлардың ортаға бейімді болуын бейімділік дейміз.
10. Жануарлар арасында бәсекелестік қарым-қатынас болмайды.
11. Жануарлар қорек пен тіршілік мекені үшін бәсекелеседі.

1. Бәсеке. Оқулықтағы суретпен жұмыс.
- Суретте қандай жануарлар бейнеленген?
- Олар қайда мекендейді?
- Олардың арасында бәсекелестік болуы мүмкін бе?
- Олар не үшін бәсекелесуде?
- Бәсекелестіктің соңы неге әкеліп соғады деп ойлайсың?
- Егер жануарлар үйреншікті мекенінен айырылса, не болады?
Оқушылардың жауаптары мен болжамдарын тыңдау. Жаңа сабақтың тақырыбы мен мақсаты айту.
2. Өзгерістер
Ғаламтордан немесе суреттер арқылы ғаламшарымыздағы табиғаты ерекше көркем жерлерді көрсету. Табиғатты сипаттау. Суреттердегідей әдемі жерлерде болған оқушыларға алған әсерлерін айтып беруге мүмкіндік беру.
Жиектемедегі сөздерге оқушылардың назарын аударып, олар нені білдіретінін сұрау.
- Батпақтану, құрғақшылық, су тасқыны деген құбылыстар туралы не білесіңдер?
- Бұл құбылыстар суреттердегі көріністің өзгеруіне қалай әсер етуі мүмкін?
Оқушылардың ойларын тыңдау.
3. Сызба. Жұмбақ­сызба. Топтық жұмыс.
Жетелеуші сұрақтар:
- Көрсетілген жерлерде қандай жануарлар тіршілік етеді?
- Кестедегі бағыттамалар нені білдіреді деп ойлайсың?
- Бұл қандай жағдайда орын алуы мүмкін?
- Олар бағыттама көрсеткен жерді мекен ете ала ма?
- Егер жануарлар тіршілік ету ортасын өзгертсе, қандай өзгерістер болады?
4. Мәтінмен жұмыс.
Мәтінмен «Түртіп алу» стратегиясы бойынша танысу. Түсініксіз ақпараттармен жұмыс жасау. Мәтін бойынша жұбына 3 сұрақ дайындау. Бір-бірінің сұрақтарына жауап беру.
Зертте. Жануарлардың тіршілік ортасының жағдайы өзгерсе, не болуы мүмкін?
Кесте толтыру. Топтық жұмыс
Алдын-ала ақпарат көздерін, ресурстар дайындау.
Топпен таныс жануарлар тізімін жасау, мекен ету ортасын жазу, тіршілік ортасының өзгеру себептері мен салдарын кестеге толтыру.
жануар Тіршілік ортасы Тіршілік ортасының өзгеру себептері Жануар тіршілігіндегі өзгеріс


Жұмыстарды қорғау. Нәтижелерді талқылап, қорытынды шығару.
5. Ойлан
Жер бетінде бунақденелілердің неліктен көп екендігін айқындау.
Жануарлар тобын еске түсіру.
- Жануарлардың қандай топтары бар?
- Оларға мысал келтір.
Бунақденелілерді ерекшелеп сызу. Жануарлардың ішінде ең көп тараған бунақденелілер екенін айту.
- Бунақденелілер неліктен көп деп ойлайсың.........