Сабақ жоспары (ұмж): Зертханалық жұмыс "Теңүдемелі қозғалыс кезiндегi дененiң үдеуiн анықтау" (Физика, 9 сынып, I тоқсан)

Пән: Физика
Ұзақ мерзімді жоспар бөлімі: Кинематика негіздері
Сабақ тақырыбы: Зертханалық жұмыс "Теңүдемелі қозғалыс кезiндегi дененiң үдеуiн анықтау"
Осы сабақта қол жеткізілетін оқу мақсаттары: 9.2.1.7 теңүдемелі қозғалыс кезіндегі дененің үдеуін эксперименттік жолмен анықтау;
9.1.3.2 эксперименттің нәтижесіне әсер ететін факторларды талдау және экспериментті жүргізуді жақсарту жолдарын ұсыну;
9.2.1.8 теңүдемелі қозғалыс кезiндегi орын ауыстырудың және жылдамдықтың уақытқа тәуелділік графиктерін тұрғызу және оларды түсіндіру
Сабақ мақсаттары: • теңүдемелі қозғалыс кезіндегі дененің үдеуін эксперименттік жолмен анықтау
• эксперимент нәтижелерін жақсарту жолдарын ұсыну
• теңүдемелі қозғалыс кезiндегi орын ауыстырудың уақытқа тәуелділік графиктерін тұрғызу және оны түсіндіру
• теңүдемелі қозғалыс кезiндегi жылдамдықтың уақытқа тәуелділік графиктерін тұрғызу және оны түсіндіру.

І. Ұйымдастыру. Сынып ішіндегі тазалыққа, сынып оқушыларының сабаққа қатысымына назар аудару.
Үй тапсырмасын сұрау мақсатында оқушылар тест тапсырмаларын орындайды. Жұптық бағалау жүргізіледі.
Бағалау критерийі дескрипторлар
оқушылар…
түзу сызықты теңайнымалы қозғалыс кезіндегі жылдамдық және үдеуді анықтау Жылдамдықтың өзгеру шапшаңдығын сипаттайтын физикалық шаманы анықтайды
Үдеудің Халықаралық бірліктер жүйесіндегі өлшем бірлігін анықтайды
Теңүдемелі қозғалыстың формулаларын біледі
Теңүдемелі қозғалыстың формулаларын қолданып, қажетті шаманы дұрыс табады

Оқушылармен сабақтың тақырыбы мен сабақ мақсаттарын талқылау.
№1-зертханалық жұмыспен "Теңүдемелі қозғалыс кезiндегi дененiң үдеуiн анықтау" танысу. Оқушыларды физика кабинетінде қауіпсіздік ережелерімен таныстыру.
Оқушылар берілген лабораториялық жұмысты жұп болып орындайды.
Оқушылар теңайнымалы қозғалыстың үдеуін зерттеуге арналған қондырғыны жинайды.
Жұмыстың орындалуы бойынша нәтижелерді алып, 1-кестені толтырады.
Оқушылар S және t мәндерін қолдана отырып, жүрілген жолдың уақытқа тәуелділік графигін (1-сурет) тұрғызады. График түрі парабола болу қажет.
Оқушылар S және t2 мәндерін қолдана отырып, жүрілген жолдың уақыттың квадратына тәуелділік графигін (2-сурет) тұрғызады. График түрі түзу болу қажет. Алынған мәліметтер бойынша графикті талдайды және графиктің градиентін (көлбеулік бұрышын) анықтайды.
Оқушылар 1-кестенің мәліметтерін қолдана отырып, лездік жылдамдықтың уақытқа тәуелділік графигін (3-сурет) тұрғызады. Алынған мәліметтер бойынша графикті талдайды және графиктің градиентін (көлбеулік бұрышын) анықтайды. 2 және 3 суретте салынған екі қисықтың көлбеулік бұрыштарын салыстырады және бұл мәндердің неге әртүрлі болғанын түсіндіреді, қорытынды жасайды. Экспериментті жақсарту жолдарын ұсынады.

Бағалау критерийі дескрипторлар
оқушылар…
теңүдемелі қозғалыс кезіндегі дененің үдеуін эксперименттік жолмен анықтау Берілген эксперименттік қондырғыны жинайды
Алынған мәліметтер бойынша кестені толтыра алады
Алынған қисықтардың көлбеулік коэффициенттерін есептейді және салыстырады;
теңүдемелі қозғалыс кезiндегi орын ауыстырудың және жылдамдықтың уақытқа тәуелділік графиктерін тұрғызу және оларды түсіндіру Теңүдемелі қозғалыс кезiндегi орын ауыстырудың (жолдың) уақытқа тәуелділік графигін тұрғызады және оны түсіндіреді;
Жүрілген жолдың уақыттың квадратына тәуелділік графигін тұрғызады және оны түсіндіреді
Теңүдемелі қозғалыс кезiндегi жылдамдықтың уақытқа тәуелділік графигін тұрғызады және оны түсіндіреді;
Эксперимент нәтижелерін жақсарту жолдарын ұсынады. ...........