Сабақ жоспары (ұмж): Түзу сызықты теңайнымалы қозғалыс. Үдеу 1-сабақ (Физика, 9 сынып, I тоқсан)

Пән: Физика
Ұзақ мерзімді жоспар бөлімі: Кинематика негіздері
Сабақ тақырыбы: Түзу сызықты теңайнымалы қозғалыс. Үдеу 1-сабақ
Осы сабақта қол жеткізілетін оқу мақсаттары (оқу бағдарламасына сілтеме): уақыттан тәуелділік графиктерінен орын ауыстыруды, жылдамдықты, үдеуді анықтау
Сабақ мақсаттары: • Үдеу деген физикалық шамамен танысу, үдеуден жылдамдықты анықтай алу, орын ауыстыруды есептей алу
• Қозғалыстың түрлерімен танысу, ерекшеліктерін ажырата алу.

І. Ұйымдастыру кезеңі:
Оқушылармен амандасу, көңіл-күйін сұрау. Сынып ішіндегі тазалықты қадағалау
ІІ. Ой қозғау:
Төменгі сыныпта қарастырылған тақырыпты еске түсіру
Еске түсіру сұрақтары:
1. Жылдамдықтың бірлігі
2. Жылдамдық дегеніміз не?
3. Түзу сызықты бірқалыпты қозғалыс дегеніміз не?
4. Бірқалыпты қозғалыс пен бірқалыпсыз қозғалыстың айырмашылығы қандай?
5. Орын ауыстыру дегеніміз не?
6. Бірқалыпты қозғалыс кезінде қандай физикалық шама тұрақты болады?
Жаңа сабақ:
І. Қызығушылықты арттыру:
Суреттер арқылы жаңа тақырыпты ашу
Жаңа сабақтың оқыту мақсаты, бағалау критерийлері мен физикалық терминдерімен танысу
ІІ. Мәтінмен жұмыс: Жаңа сабақты өз бетімен игеру мақсатында оқушылар оқулықпен жұмыс жасайды және төмендегі сұрақтарға жауап береді.
• Теңайнымалы қозғалыс деп қандай қозғалысты айтады?
• Теңайнымалы қозғалыс кезінде жылдамдық қалай өзгереді?
• Үдеу дегеніміз қандай физикалық шама?
• Үдеу қандай формуламен өрнектеледі?
• Үдеудің өлшем бірлігі қандай?
• Үдемелі қозғалыстың баяулайтын қозғалыстан айырмашылығы қандай?
• Үдеумен қозғалатын дененің жылдамдығы 0-ге тең бола алады ма?
• Үдеу 0-ге тең болғанда қозғалыс қандай сипат алады?
Мұғалімнің бағалауы
ІІІ. Жұптық жұмыс:
Оқушыларды жұпқа бөлу:
Бірқалыпты қозғалыс пен тең айнымалы қозғалыстың айырмашылығы және қозғалыстың түріне сәйкес қолданылатын теңдеулерді жазу.
І. Жұп: Түзу сызықты бір қалыпты қозғалыс
ІІ. Жұп: Түзу сызықты тең айнымалы қозғалыс
Өзара бағалау

IV. Теңайнымалы қозғалыс. Үдеу тақырыбына есептер шығару
V. Тақырыпты бекіту мақсатында тест жұмысын алу.
Өзін-өзі бағалау
VI. Жеке жұмыс. Оқушыларды дескрипторлар арқылы бағалау ...........