Сабақ жоспары (ұмж): Табиғаттағы және техникадағы жылу берілу (Физика, 8 сынып, I тоқсан)

Пән: Физика
Ұзақ мерзімді жоспар бөлімі: Жылу құбылыстары
Сабақ тақырыбы: Табиғаттағы және техникадағы жылу берілу
Осы сабақта қол жеткізілетін оқу мақсаттары (оқу бағдарламасына сілтеме): 8.3.2.2 - табиғаттағы, тұрмыстағы және техникадағы жылу берілу түрлерінің қолданылуына мысалдар келтіру;
Сабақ мақсаттары: • Табиғаттағы, тұрмыстағы және техникадағы жылу берілу түрлерінің қолданылуына мысалдар келтіру;
• Атмосферадағы конвекциялық ағындардың пайда болуын білу;

1. Өткен материалды меңгергендерін тексеру мақсатында оқушылар бір-біріне сұрақтар қояды. Мысалы, Жылу өткізгіштік дегеніміз не?
Конвекция дегеніміз не?
Сәуле шығару дегеніміз не? т.с.с.
Оқушылар мақал –мәтелдердің мағынасын және жылу берілудің қай түріне қатысты екендігін анықтайды.
«Тонның жылуы терісінен емес – жүнінен»
«Көсеу қысқа болса, қолың күйеді»
«Қазан отпен, адам іс-әрекетпен қызады»
2. Мақсатты болжау. Оқушылармен бірге сабақ мақсаты анықталады:
• табиғаттағы, тұрмыстағы және техникадағы жылу берілу түрлерінің қолданылуына мысалдар келтіру;
3. Жаңа сабақ.Сынып үш топқа бөлінеді.Әр топ жылу берілудің түрлерінің табиғаттағы, тұрмыстағы және техникадағы қолданысына мысалдар келтіреді.Шағын таныстырылым дайындайды.
І топ Жылу өткізгіштік
ІІ топ Конвексия
ІІІ топ Сәуле шығару
Әр топ таныстырылымды қорғайды. Топ мүшелеріне басқа топ мүшелері сұрақтар қояды. Оқушыларды тыңдап болған соң, мұғалім кері байланыс ұйымдастыруына болады.
Оқушылар радиатордың неліктен металлдан жасалатынын, үйлердің төбесіне неліктен түйіршік тас төселеді, самал жел қалай пайда болатынын түсінулері тиіс.
Бағалау критерийлері:
1. Қоршаған ортадан мысалдар келтіру.
2. Баяндау шеберлігі.
4. Эксперименттік тапсырмалар. Мұғалім тәжірибе көрсетеді, ал оқушылар талқылауға қатысып, өз болжамдарын ұсынады.
Тәжірибе №1
Ауамен толтырылған баллон шарды және суы бар баллон шарды отқа қыздыруын салыстыру.
Қағаз пакеттің және суы бар қағаз пакеттің қыздырылуын салыстыру.
Бағалау критерийлері:
1.Тәжірибені сипаттап, түсіндіре алады.
Оқушыларды тыңдап болған соң, мұғалім кері байланыс ұйымдастыруына болады.
5. Топтық жұмыс.
Термосты қалай жасауға болады?
Бағалау критерийлері:
Оқушылар термостың құрылысын сипаттап түсіндіреді.
Оқушылар сәулеленудің әсерін болдырмау үшін термостың ішін және сыртын жылтыр заттан жасайтынын түсінулері тиіс...........