Сабақ жоспары (ұмж): Омыртқасыз және омыртқалы жануарлардың ас қорыту жүйелері 2-сабақ (Биология, 8 сынып, I тоқсан)

Пән: Биология
Ұзақ мерзімді жоспар бөлімі: Қоректену Мектеп:
Сабақтың тақырыбы: Омыртқасыз және омыртқалы жануарлардың ас қорыту жүйелері 2-сабақ
Осы сабақ арқылы жүзеге асырылатын оқу мақсаттары: 8.1.2.1 Омыртқасыздар (жауын құрт) мен күйіс қайыратын малдар (сиыр) және адамның ас қорыту жүйесінің құрылысын салыстыру
Сабақтың мақсаты: Омыртқасыздар (жауын құрт) мен күйіс қайыратын малдар (сиыр) және адамның ас қорыту жүйесінің құрылысын салыстыру;
Жануарлардың асқорыту жүйелеріндегі ерекшеліктердің себептерін түсіндіру.

Оқушыларға асқорыту жүйесі мүшелерін атау тапсырмасы ұсынылады. Оқушылар өздеріне таныс мүшелерді атаған соң, не себептен осындай әртүрлі мүшелер бар? сұрағы талқыланады. Оқушылардың жауаптарын қоректің құрамының әртүрлі болуына байланысты әртүрлі қызмет атқаратын мүшелер болады деген жауапқа қарай бағыттау дұрыс.
Сонымен бүгінгі сабағымыз не туралы деген сұрақ арқылы сабақтың тақырыбы ашылады.
Сабақтың мақсаттарын оқушылармен бірге анықтау үшін осы жүйелер жөнінде қандай білім қажет деп талқылау жүргізіледі. Бағалау критерийлері таныстырылады.


Оқушылар әртүрлі жануарлардың асқорыту жүйелерін зерттейді. Бұл тапсырма арқылы оқушылар асқорыту жүйелерінің түрлерімен, олардың ерекшеліктерімен танысады.
Оқушылар 3 аялдаманы топпен/жұппен/жеке аралап, қажетті ақпаратты жазып алу арқылы ақпаратты жинақтайды. Бір аялдамада 2 минут жұмыстайды.
Әрбір аялдамада оқушыларға РРТ, ақпарат парақшалары, суреттер және мүмкін болған жағдайда ноутбуктерде алдын ала жүктеліп ашылған видеоматериалдар сияқты әртүрлі ресурстар ұсынылады.
1- аялдама. Шұбалшаңның асқорыту жүйесі
2- аялдама. Сиырдың асқорыту жүйесі
3- аялдама. Адамның асқорыту жүйесі
Әрбір асқорыту жүйелерін сипаттау критерийлері ұсынылады.
Олар:
- асқорыту жүйесінде орналасқан мүшелерді атау;
-әр мүшеде жүрілетін процессті атау;
- мүшенің құрылыс ерекшеліктерінің жануардың қорек түрімен байланысын түсіндіру.........