Сабақ жоспары (ұмж): Электр тогы қалай ойлап табылды? (Жаратылыстану, 3 сынып, IV тоқсан)

Пән: Жаратылыстану
Ұзақ мерзімді жоспар бөлімі: Табиғат физикасы. Жарық, дыбыс, электрлік, магниттілік.
Сабақтың тақырыбы: Электр тогы қалай ойлап табылды?
Оқу мақсаты: 3.5.5.1 электр энергиясы көздерін анықтау;
3.1.1.1 маңызды ғылыми жаңалықтар мен олардың адамның күнделікті өміріне әсері туралы әңгімелеу
Сабақтың мақсаты: Электр тогының ашылуымен танысады және электрленудің не екенін түсінеді.

Кіріспе тапсырма.
- Электр тогы болмаса, адамдар қалай тіршілік етер еді? Сипатта.
Топтық жұмыс.
Топтардың жауабын тыңдау.
ҚБ. Өзара бағалау.
Сабақтың мақсатын айқындау.
- Электр тогын қалай ойлап тапты деп ойласыңдар?
Оқушылардың болжамын тыңдау.
Бұл қандай құбылыс?
Қолдағы бар заттармен (тарақ, шар, ұсақ қағаз, т.с.с.) электрлену құбылысын жасап көрсету.
Сұрақ:
- Бұл қандай құбылыс?
- Сендердің өмірінде осындай жағдай болып көрді ме?
Суреттер бойынша
- Осы суреттерге не ортақ?
Қолда бар қалам, қағаз, өз шашына үйкеу арқылы жұбымен электрлену құбылысын жасау.
Сен білесің бе?
Янтарьды (моншақ, жүзік, сақина) көрсету.
- Бұл тас қалай аталады?
Янтарьды жүнмен үйкегенде пайда болған үдеріс электрлену деп аталды. Янтарь сөзі грек тілінен аударғанда – «электрон» деген мағынаны білдіреді.
Білімді аралық бекіту. Мәтінмен жұмыс немесе қосымша материал пайдалану (дидактикалық материал).
Зерттеу жұмысы.
Топтарға біріктіру. Ресурстар тарату: екі кішкене шар, дымқыл майлық, ұсақтап қиылған қағаз, конфетти, жүннен тоқылған қолғап, мата қиындысы.
Зерттеу жүргізуге арналған нұсқаулықпен таныстыру:
1) Шарды жүн қолғаппен үйкеп, конфеттиге жақындату.
2) Шарды жібек матамен үйкеп, конфеттиге жақындату.
3) Шарды майлықпен үйкеп, конфеттиге жақындату.
4) Бір шарды жүн матамен үйкеп, конфеттиге жақындата отырып, электрленгенін тексеру. Оған екінші шарды жақындату (екінші шарға электр¬ді өткізу үшін). Екінші шарды конфеттиге жақындатып, оның электрленуін тексеру.
5) Сым кесіндісін матамен үйкеп, конфеттиге жақындату.
6) Электрленген шарды дымқыл шүберекпен үйкеу. Оның қаншалықты электрленгенін тексеру үшін конфеттиге жақындату.
Зерттеу нәтижесінде оқушылар дымқыл шүберекпен сүрту арқылы дене бойындағы электр¬ді жоюға болатынын және денені үйкеу не өткізу арқылы электрлендіруге болатынын түсінеді........