Сабақ жоспары (ұмж): Дыбысты қалай қаттырақ шығаруға болады? (Жаратылыстану, 2 сынып, IV тоқсан)

Пән: Жаратылыстану
Ұзақ мерзімді жоспар бөлімі: Табиғат физикасы. Дыбыс
Сабақ тақырыбы: Дыбысты қалай қаттырақ шығаруға болады?
Оқу мақсаттары: 2.1.2.7 - Эксперимент жүргізу және оның нәтижесін кесте түрінде белгілеу
Сабақ мақсаттары: Зерттеу жұмысы арқылы дыбыс көздерін анықтау, тәжірибенің негізгі белгілерін анықтау, нәтижені кестеге түсіру.

Мен дыбыс түрлерін қосамын. Сендер өздерің естіген дыбыс түрлерін жазыңдар.

(Ұ) Оқушыларға тірі және тірі емес табиғаттың бірнеше дыбысын (құстар әні, автокөлік тежегішінің дыбысы, музыкалық құрал дыбысы, қоңырау дыбысы, баланың дауысы, ер адамның жуан дауысы, теңіз шуы және т.б.) тыңдауды ұсыну.
-Не естідіңдер?
Оқушылар өздері естіген дыбыстардың түрін атайды.
-Енді осы дыбыстарды қандай түрлерге бөлеміз?
-Дыбыстың қандай түрлері бар?

Тұрмыс заттарының дыбысы


Бұл ненің дыбысы?

(МК,Ұ)Сумен толтырылған ыдысқа тас лақтырады. Толқындар пайда болады.
- Не байқадыңдар?
Жауап:Суда толқындар пайда болды.
- Толқындар неден пайда болды?
Жауап:Суға түскен тас суды қозғалысқа келтіріп, тепе-теңдіктен шығарды.
-Тағы бір рет қараңдар.Жан-жаққа толқындар қалай тарайды ?
Жауап:Шеңбер тәрізді жан-жаққа бірдей тарайды.
- Толқын дегеніміз не?
Жауап:Толқын-судың жан-жаққа ауытқуы.
- Толқын қай кезде пайда болды?
Жауап:Суға тас түскен кезде.
Қорытынды:Тас - толқынның пайда болуының өзегі болып табылады.
(МК,Ұ) Барабанды немесе қоңырауды бір ұрады.
-Не естідіңдер?
Жауап:дыбыс.
-Дыбыс неден пайда болды?
Жауап: Барабанның үсті ауытқи басады, ол ауаның ауытқуына әсер етті.
Қорытынды: Дыбыс- ол ауада тараған толқын.
-Барлықтарың дыбысты бірдей естідіңдер ме?
Жауап: ия.
- Неліктен?
Жауап:Өйткені дыбыс жан-жаққа тарайды.
-Таспен өткізілген тәжірибе мен дыбыстың қандай байланысы бар деп ойлайсыңдар?
Жауап: Өйткені дыбыс жан-жаққа толқын болып бірдей тарайды.

Тәжірибе жасау
1-тәжірибе
Камертоннан ұр. Қолыңды тигізіп көр. Не байқадың? Дыбыс көзі не?.......