Сабақ жоспары (ұмж): Қылмыстық процестің міндеттері мен қағидаттары 2-сабақ (Құқық негіздері, 10 сынып, IV тоқсан)

Пән: Құқық негіздері
Ұзақ мерзімді жоспар бөлімі: Іс жүргізу құқығының негіздері
Сабақ тақырыбы: Қылмыстық процестің міндеттері мен қағидаттары 2-сабақ
Осы сабақта қол жеткізілетін оқу мақсаттары: Қылмыстық іс жүргізуде қылмыстық процестің негізгі міндеттері мен қағидаттарының маңыздылығын түсіндіру
Сабақтың мақсаты: 10.4.1.1 қылмыстық процестің негізгі міндеттері мен қағидаттарын түсіндіру.

БЫМ (Бастапқы ынталандырушы материал)
Б Сыныпқа бейнероликті көрсету арқылы «Миға шабуыл» әдісін қолданып, қылмыстық процесс ұғымы аясында дискуссия ұйымдастыру. Дискуссия соңында сұрақтар қояды.
1. Бейнероликте қандай қылмыс түрлерін байқадыңыздар?
2. Қылмыстық істер не үшін қозғалады?
3. әдiл сот талқылауын жүргізу үшін қандай кедергілер бар?
4. Қылмыскерлер неге қылмыстық жауаптылыққа тартылады?
5. Белгілі бір жаза тағайындауда қылмыстық заңды дұрыс қолданудың қандай маңызы бар?

М Оқушылар тақырыпты, оқу мақсатын болжайды. Мұғалім бағалау критерийлерімен таныстырады. Тақырыпқа сай мозайка жинау арқылы 4 топқа бөледі.
Зерттеу
Мәтінмен жұмыс
Ж/Т Қылмыстық процестің мiндеттерi мен қағидаттары туралы Қазақстан Республикасының Қылмыстық-процестік кодексiнің баптары таратылады (Қылмыстық процестің мiндеттерi, Қылмыстық процестің қағидаттары және олардың мәнi, Заңдылық, Сот төрелігiн соттың ғана жүзеге асыруы, Адамның және азаматтың құқықтары мен бостандықтарын сот арқылы қорғау, т.б.).
Оқушылар жұпта қарастырған мәселелері бойынша қорытынды жасайды.

Топтық жұмыс

Т Топтарға құқықтық ситуация таратылады. Осы ситуацияның толық шешімін шығару үшін оқушылар қылмыстық істің кезеңдерін көрсетеді.
Мысалы,
1-топ. Сотқа дейінгі сатылар (қылмыстық істі қозғау, алдын-ала тергеу жұмыстары)
2-топ. Сот кезеңі (қылмыстық істің материалдарын сот отырысына дайындау, бірінші сатыдағы сотта іс жүргізу)
3-топ. Сот кезеңі (екінші сатыдағы сотта іс жүргізу, үкімді орындау)......