Сабақ жоспары (ұмж): «Статистика элементтері» бөлімін қайталау (Алгебра, 8 сынып, IV тоқсан)

Пән: Алгебра
Ұзақ мерзімді жоспар бөлімі: 8-сыныптағы алгебра курсын қайталау
Сабақ тақырыбы: «Статистика элементтері» бөлімін қайталау
Осы сабақта қол жеткізілетін оқу мақсаттары (оқу бағдарламасына сілтеме): 8.3.3.1 таңдама нәтижелерін жиіліктердің интервалдық кестесі арқылы беру;
8.3.3.2 жиіліктердің интервалдық кестесінің деректерін жиіліктер гистограммасы арқылы беру;
8.3.3.3 жинақталған жиілік анықтамасын білу;
8.3.3.4 статистикалық кестемен, алқаппен, гистограммамен берілген ақпаратты талдау;
8.3.3.5 дисперсия, стандартты ауытқу анықтамаларын және оларды есептеу формулаларын білу;
Сабақ мақсаттары: Оқушылар:
• Деректерді жиілік кестесі түрінде ұсына алады;
• Жиілік алқабы мен гистограммасын салады;
• Статистикалық кесте бойынша жинақталған жиілікті таба алады;
• Арифметикалық орта, медиана, мода, ауқымды табаы алады;
• дисперсия мен стандартты ауытқуды есептей алады.

1. Ұйымдастыру кезеңі. Сабақ мақсатын қою.
Мұғалім оқушылармен сәлімдесіп, олардың сабаққа дайындығын тексереді. Мұғалім сабақтың тақырыбы мен сабақ мақсаттарын айтады. Оқушылармен бірге сабақ мақсаттары құрастырылып айтылады. Кейін мұғалім бағалау критерийлерін айтып, оқушылардың «жақын даму аймағын» айқындайды, сабақ аяғына қарай күтілетін нәтижелерді айтады.

2. Қайталау.
Мұғалім оқушылардың білімдерін төмендегі сұрақтар арқылы белсендендіреді. Әрбір оқушының жауабынан кейін мұғалім кері байланыс ұсынады, керек жағдайда оларды түзетеді, сәйкес теориялық материал бойынша слайдты көрсетеді.
• Ақпаратты ұсынудың негізгі тәсілдерін атаңыз.
• Гистограмма нені көрсетеді? Дөңгелек диаграмма?
• Жинақталған жиілік нені көрсетеді?
• Жинақталған жиілікті қалай табады?
• Жинақталған жиілік алқабы қалай аталады?
• Орта тенденция шамаларын атаңыз.
• Олар нені көрсетеді?
• Шашыраңдылық өлшемдерін атаңыз.
• Олар нені көрсетеді?
3. Есеп шығару.
Мұғалім оқушыларға бөлім бойынша әртүрлі тапсырмаларды орындауды ұсынады, мұнда оқушылар сандық қатарлардың сипаттамаларын табады, олар: арифметикалық орта, мода, медиана, ауқым, дисперсия және квадраттық ауытқу, сонымен қатар, жинақталған жиілікті табу, статистикалық кестені құру және гистограмманы салу.
Оқушылар тапсырманы өз беттерімен орындайды. Мұғалім көмек көрсете алады. Критерийлер бойынша бағалау жүзеге асады......