Сабақ жоспары (ұмж): «Квадрат теңдеулер» бөлімін қайталау (Алгебра, 8 сынып, IV тоқсан)

Пән: Алгебра
Ұзақ мерзімді жоспар бөлімі: 8-сыныптағы алгебра курсын қайталау
Сабақ тақырыбы: «Квадрат теңдеулер» бөлімін қайталау
Осы сабақта қол жеткізілетін оқу мақсаттары (оқу бағдарламасына сілтеме): 8.2.2.1 квадрат теңдеудің анықтамасын білу;
8.2.2.2 квадрат теңдеулердің түрлерін ажырату;
8.2.2.3 квадрат теңдеулерді шешу;
8.2.2.4 Виет теоремасын қолдану;
8.2.1.1 квадрат үшмүшенің түбірі ұғымын меңгеру;
8.2.1.2 үшмүшеден екімүшенің толық квадратын бөлу;
8.2.1.3 квадрат үшмүшені көбейткіштерге жіктеу;м
8.2.2.5 |ax^2+bx|+c=0; ax^2+b|x|+c=0 түріндегі теңдеулерді шешу;
8.2.2.6 бөлшек-рационал теңдеулерді шешу;
8.2.2.7 квадрат теңдеулерге келтірілетін теңдеулерді шешу;
8.4.2.1 мәтінді есептерді квадрат теңдеулердің көмегімен шешу;
8.4.2.2 мәтінді есептерді бөлшек-рационал теңдеулердің көмегімен шешу;
Сабақ мақсаттары: Оқушылар:
Квадрат теңдеулерді әртүрлі тәсілдермен шешу: формулалар көмегімен, Виет теоремасы көмегімен, толық квадратты бөліп алу арқылы.
Квадрат теңдеулерге келтірілетін теңдеулерді шешу (биквадрат теңдеулерғ бөлшек-рационал теңдеулер);
Мәтіндік есептерді квадрат және бөлшек-рационал теңдеулер көмегімен шешу.

1. Ұйымдастыру кезеңі. Сабақ мақсатын қою.
Мұғалім оқушылармен сәлімдесіп, олардың сабаққа дайындығын тексереді. Мұғалім сабақтың тақырыбы мен сабақ мақсаттарын айтады. Оқушылармен бірге сабақ мақсаттары құрастырылып айтылады. Кейін мұғалім бағалау критерийлерін айтып, оқушылардың «жақын даму аймағын» айқындайды, сабақ аяғына қарай күтілетін нәтижелерді айтады.

2. Қайталау.
Оқушылар мұғаліммен бірге бөлімнің негізгі теориялық сұрақтарын қайталайды.
«Тұжырымды аяқта»:
• Квадрат теңдеу деп ... түріндегі теңдеу аталады.
• Квадрат теңдеудің түбірлері ... формуласы көмегімен табылады.
• Квадрат теңдеудің түбірлерінің саны ... тәуелді.
• Келтірілген квадрат теңдеу деп ... түріндегі теңдеу аталады.
• Квадрат теңдеу толық емес деп аталады, егер …

Осыдан кейін мұғалім Виет теоремасын еске түсіреді, квадрат үшмүшенің көбейткіштерге жіктеу формуласын, сонымен қатар, квадрат теңдеулероге келтірілетін теңдеулерді шешуді қарастырады.
3. Практикалық мазмұндағы есептерді шығару.
Оқушылар мұғаліммен бірге квадрат теңдеулерді құру арқылы шығарылатын есептерді шығарады.
Есеп 1. Темір қаңылтырдан қақпағы жоқ қорап жасау көзделді. Суреттегі барлық өлшемдер сантиметрмен берліген. Қораптың формасы параллелепипед тәріздес және оның көлемі 48 куб сантиметр. Темір қаңылтырдың өлшемдерін табыңыз.

Есеп 2. Үйдің баспалдағының ұзындығы 5 метрге тең. Баспалдақ табанынан үйдің қабырғасына дейінгі қашықтық қабырға биіктігінен 1 метр кем. Үйдің биіктігін табыңыз......