Сабақ жоспары (ұмж): Квадраттық функция (Алгебра, 8 сынып, IV тоқсан)

Пән: Алгебра
Ұзақ мерзімді жоспар бөлімі: 8-сыныптағы алгебра курсын қайталау
Сабақ тақырыбы: Квадраттық функция
Осы сабақта қол жеткізілетін оқу мақсаттары (оқу бағдарламасына сілтеме): 8.2.2.10 біреуі сызықтық, екіншісі - квадрат теңсіздік болатын екі теңсіздіктен құралған жүйелерді шешу
Сабақ мақсаттары: Оқушылар:
• Квадраттық функцияны салуды қайталайды, квадраттық функцияның осьтермен қиылысуын, төбесін табу тәсілдерін қайталайды, квадраттық функцияны зерттейді және қолданбалы есептерді шешеді.

1. Ұйымдастыру кезеңі. Сабақ мақсатын қою.
Мұғалім оқушылармен сәлімдесіп, олардың сабаққа дайындығын тексереді. Мұғалім сабақтың тақырыбы мен сабақ мақсаттарын айтады. Оқушылармен бірге сабақ мақсаттары құрастырылып айтылады. Кейін мұғалім бағалау критерийлерін айтып, оқушылардың «жақын даму аймағын» айқындайды, сабақ аяғына қарай күтілетін нәтижелерді айтады.

2. Қайталау.
Мұғалім оқушылардың квадраттық функция, парабола қисығы, оның тармақтарының бағыты, жалпы формуласы жайлы оқушылардың естеріңе түсіреді. Осы ауызша сыныппен қайталауды жүзеге асырғаннан кейін, квадраттық функцияны салу және зерттеу әдістеріңе көшеді.

3. Квадраттық функция графигінің негізгі нүктелері
Мұғалім оқушыларға параболаны салуда қажетті нүктелерді қайталап өтеді. Оларды табу тәсілдерін де қарастырады. Олар:
1) осьтермен қиылысу нүктелері және оларды табу тәсілдері;
2) параболаның төбесі және оны табу тәсілдері.
Бір мысалды презентациядағы слайд бойынша қайталағаннан кейін, оқушылар бүкіл сыныппен слайдтағы келесі 3 тапсырманы орындайды. Мұндағы тапсырмалар сәйкестендіруге, көп таңдауы бар сұрақтарға жауап беруге арналған.

4. Ақиқат немесе Жалған.
Бұл тапсырмада оқушылар слайдта көрсетілген тұжырымдар және графиктер бойынша оның ақиқат немесе жалған екенін айтады. Тапсырмалар бүкіл сыныппен ауызша талданады. Мұғалім оқушылардың жауаптары әртүрлі болғанда немесе сұрақтар болғанда талдау жасайды, қосымша түсініктемелер келтіреді.

5. Квадраттық функцияның графигін салу.
Мұғалім оқушыларға жұпта кестені толтыруды ұсынады. Бұл кестеде оқушылар квадрат үшмүше түрінде берілген өрнекті көбейткіштерге жіктейді, толық квадратты бөліп алады және сол арқылы параболаның негізгі нүктелерін анықтайды. Осы кестені толтырғаннан кейін оқушылар әр берілген функцияның графигін тұрғызады.
Мұғалім оқушылардың жұмысын белгіленген критерийлерге сәйкес бағалайды, сонымен қатар, жұптық жұмыс кезінде әрбір оқушының үлесін бақылайды......