Сабақ жоспары (ұмж): Пайдалы әсер коэффициенті (Физика, 7 сынып, IV тоқсан)

Пән: Физика
Ұзақ мерзімді жоспар бөлімі: Қатты дене, сұйық және газ қысымы
Сабақтың тақырыбы: Пайдалы әсер коэффициенті
Осы сабақта қол жеткізілетін оқу мақсаттары (оқу бағдарламасына сілтеме): 7. 2.3.7 энергияның бір түрден екінші түрге өзгеруіне мысалдар келтіру және түсіндіру, механикалық энергияның сақталу заңын қолдану;
7.2.3.8 көлбеу жазықтықтың пайдалы әсер коэффициентін тәжірибеде және есептер шығару барысынды анықтау.
Сабақтың мақсаттары: Оқушылар:
энергияның бір түрден екінші түрге өтуіне мысал келтіре алады;
механикалық энергияның сақталу заңын есеп шығарғанда қолданады;
ПӘК формуласын есептеулерде пайдаланады;
энергияның шығынын тәжірибеде анықтайды.

(W) Ұйымдастыру. Сынып оқушыларын сабаққа психологиялық дайындау.
(f) Миға шабуыл
Мүмкін болатын сұрақтар:
1. Энергияның қандай түрлерін білесіңдер?
2. Потенциалдық энергияға анықтама беріңдер.
3. Кинетикалық энергияға анықтама беріңдер.

Қауіпсіздік ережелерін еске салу

4. Тәжірибе: толық механикалық энергияның сақталу заңын тексеру.
Жоғарыдан төмен лақтырылған жіпке ілінген кішкене доптың жылдамдығын анықтайық.
Ол үшін алдымен оқушылармен бірге
бағалау критерийін құру:
1. Биіктікті өлшеу.
2. Максимал потенциалдық энергияны анықтау.
3. Энергияның сақталу заңын пайдалана отырып, жылдамдықты анықтайтын формуланы қорытып шығару.
4. Жылдамдықты есептеу.
Сабақтың тақырыбын және оқыту мақсаттарын түсіндіру.

(W) Алдыңғы есепке кері есепті шығару.
Тік жоғары лақтырылған доптың бастапқы жылдамдығы 15 м/с. Доп көтерілген максимал биіктігін табу.......