Сабақ жоспары (ұмж): Жай механизмдер (Физика, 7 сынып, IV тоқсан)

Пән: Физика
Ұзақ мерзімді жоспар бөлімі: Күш моменті
Сабақтың тақырыбы: Жай механизмдер
Осы сабақта қол жеткізілетін оқыту мақсаттары (оқу бағдарламасына сілтеме): 7.2.4.1 қарапайым механизмдердің қолданылуына баға беріп, «Механиканың алтын ережесін» тұжырымдау
Сабақтың мақсаттары: Оқушылар:
жай механизм түрлерін ажырата алады;
жай механизмдердің жұмыс істеу принципін түсінеді;
табиғаттағы, тұрмыс пен техникадағы жай механизмдердің қолданылуына мысалдар келтіре алады.
Механиканың «алтын ережесін» тұжырымдай алады.

Ұйымдастыру. Оқушыларды сабаққа психологиялық дайындау
(W) Жаңа тақырыппен танысу үшін, алдымен жұмбақтарды шешуді ұсыну:

1. Екі басты айдаһар
Бәрін қырып жояды.
Екі аяқпен жер тіреп.
Қағазды жеп қояды. (қайшы)

2. Артық кемдi теңестiрер,
Дәндi де өзi жемес бiрер. (таразы)

3. Жансыз жарады,
Жанды ұрады. (балта)

4. Жетпіс аяқ бауырында,
Екі қолы жауырында,
Тындырады істі ол,
Жеңілін де, ауырын да. (ара)

5. Үй артында бүкір терек,
Күресуге кісі керек. (иінағаш)

Осы құралдардың барлығын бір сөзбен қалай атауға болады?
Оқушылар ойларын айтады. Осылайша сабақтың тақырыбын табамыз.
Сабақтың тақырыбымен, оқыту мақсатымен таныстыру.......