Сабақ жоспары (ұмж): р – элементтердің периодтық кестеде орналасуы, атом құрылысының ерекшелігі. Алюминий және оның қосылыстары. (Химия, 10 сынып, IV тоқсан)

Пән: Химия
Ұзақ мерзімді жоспар бөлімі: Маңызды p-элементтер және олардың қосылыстары
Сабақ тақырыбы: р – элементтердің периодтық кестеде орналасуы, атом құрылысының ерекшелігі. Алюминий және оның қосылыстары.
Осы сабақта қол жеткізілетін оқу мақсаттары: 10.2.1.31 атом құрылысы тұрғысынан р – элементтері мен олардың қосылыстарының қасиеттерінің топта және периодта өзгеру заңдылықтарын түсіндіру;
10.2.1.32 алюминий оксиді мен гидроксидінің екідайлы қасиеттерін зерттеу;
10.2.1.33 алюминий мен оның құймаларының қолданылуын сипаттау;
Сабақ мақсаттары: Оқушы:
- атом құрылысын біледі және атом құрылысының элементтердің қасиеттеріне әсерін анықтайды;
- р – элементтердің қасиеттерінің өзгеру заңдылықтарын түсіндіреді;
- алюминий оксиді мен гидроксидінің қасиеттерін салыстырады, екідайлы қасиеттерін түсіндіреді;
- алюминий мен оның құймаларының қасиеттерін біледі және қолданылуын салыстырады;

Сабақ басында:
Амандасу, оқушыларды түгелдеу.
Сабақтың тақырыбы мен мақсаттары айтылады.
Мақсаты: Алдыңғы білімдерін еске түсіру. Сабақ мақсаты мен күтілетін нәтижелермен танысу.
Мұғалім мен оқушының іс - әрекеті: мұғалім кездейсоқ түрде оқушыларға атом құрылысы бойынша сұрақ қояды. Оқушылар сұрақтарға жауап береді және екі элементтің атом құрылысын анықтайды.
Кері байланыс: Оқушы-оқушы
(Ж) 1 Тапсырма
Мақсаты: атом құрылысы тұрғысынан р – элементтері мен олардың қосылыстарының қасиеттерінің топта және периодта өзгеру заңдылықтарын түсіндіру;
Сипаты: оқушылар р – элементтердің атом құрылысын анықтайды және қасиеттерінің периодта және топта өзгеруін сипаттайды;
Мұғалімнің іс – әрекеті:
Мұғалім кездейсоқ әдіспен оқушыларға химиялық элементтің таңбасы және атом құрылысы жазылған стикерлер таратады, қиындық туындыған жағдайда қосымша сұрақтар қою арқылы дүрыс жауапты анықтауға көмектеседі
Оқушының іс – әрекеті: оқушылар өздеріне берілген химиялық элементке сәйкес келетін атом құрылысын анықтап, тақтада берілген бос химиялық кестеге жабыстырады, алдыңғы білімін қолданып, период пен топтағы өзгерістерді анықтайды.
Бағалау критерийлері: оқушы
• р – элементтердің атом құрылысын анықтайды
Дескприпторлар:
• Элементтердің қасиеттерінің топта өзгеруінің негізгі заңдылықтарын түсіндіреді
• Элементтердің қасиеттерінің периодта өзгеруінің негізгі заңдылықтарын түсіндіреді
Бағалау: өзін - өзі бағалау......