Сабақ жоспары (ұмж): XIX ғ. ІІ жартысындағы Қазақстандағы әкімшілік-территориялық реформалар 3-сабақ (Қазақстан тарихы, 8 сынып, ІІІ тоқсан)

Пән: Қазақстан тарихы
Ұзақ мерзімді жоспар бөлімі: 7.3B Қазақстан Ресей империясының құрамында
Сабақ тақырыбы: XIX ғ. ІІ жартысындағы Қазақстандағы әкімшілік-территориялық реформалар 3-сабақ
Осы сабақта қол жеткізілетін оқу мақсаты: 7.3.1.3 – Ресей империясының отарлық саясатының себеп-салдарын анықтау;
7.3.1.4 – Патша үкіметі реформалары нәтижесіндегі әкімшілік-аумақтық өзгерістерді түсіндіру;
Сабақтың мақсаты: Патша үкіметінің 1867-68 жж әкімшілік реформаларының жүргізілу себептері мен барысы туралы түсіну.
(Т) Ұйымдастыру сәті.
Ой шақыру
БЫМ Тақтаға Франция королі ХІ Людовиктің айтқан сөзін: «Бөліп ал да, билей бер» (Diviser pour regner) және сурет тақтадан слайд арқылы көрсетіледі. Оқушылардың зейінін суретке аударып, төмендегі сұрақ арқылы сурет пен афоризмді қалай түсінетініндігі сұралады. Оқушылардың болжам жауаптары арқылы сабақ тақырыбы анықталады.
- Бұл ұстанымның ХІХ ғасырда Қазақстанға қандай қатысы болды?
М Сабақ тақырыбы мен оқу мақсаттары таныстырылғаннан кейін бағалау критерийлеріне, тарихи концепт пен зерттеу сұрағына назар аударылады.
Тарихи концепт (фокус): Себеп пен салдар
Зерттеу сұрағы: Патша өкіметі тарапынан «бөліп ал да, билей бер» ұстанымы қалай жүзеге асты?
(М) Тақырыпқа мазмұнына қатысты қысқаша шолу.
Зерттеу мен талдау
1-тапсырма. Бейнематериалмен жұмыс
(Т) 1867-1868 жж. әкімшілік басқару жүйесіне байланысты интерактивті тыңдалым ұсынылады. Оқушылар бейнематериалды тыңдай отырып, берілген тапсырмаға сәйкес қажетті мәліметтерді дәптерлеріне жазып отырады. Тыңдалым аяқталғаннан кейін, топ ішінде талқылап, жауаптарын сыныпқа жариялайды.
1-топ.
 Патша өкіметінің 1867-68 жж реформа жүргізуінің себебін анықтаңыз;
 Реформа мақсатын сипаттаңыз;
 Патша өкіметінің реформаны жүргізудегі дайындық жұмыстары туралы әңгімелеңіз.
Дескриптор:
-Патша өкіметінің 1867-68жж реформа жүргізілуінің кемінде 2-3 себебін анықтайды;
-1867-68жж әкімшілік реформалардың мақсатын сипаттайды;
-Патша өкіметінің реформаны дайындау жұмыстарының кемінде 1-2 іс-шарасын нақты дәйектер келтіре әңгімелейді;
2-топ.
 «Уақытша Ереженің» нәтижесінде Қазақстанда болған әкімшілік-территориялық өзгерістерді картада белгілеңіз;
 1867-68жж реформаның нәтижесінде Қазақ жерінде құрылған әр әкімшілік-территориялық бөліктерді және оларды басқаратын лауазымды тұлғаларды тірек-сызба негізінде түсіндіріңіз......