Сабақ жоспары (ұмж): Сырым Датұлы бастаған ұлт-азаттық қозғалыс 1-сабақ (Қазақстан тарихы, 8 сынып, ІІ тоқсан)

Пән: Қазақстан тарихы
Ұзақ мерзімді жоспар бөлімі: 7.2В Отарлау және ұлт-азаттық күрес
Сабақ тақырыбы: Сырым Датұлы бастаған ұлт-азаттық қозғалыс 1-сабақ
Осы сабақта қол жеткізілетін оқу мақсаттары: 7.3.1.5 Халықтың отаршылдыққа қарсы ұлт-азаттық күресінің себеп-салдарын анықтау;
Сабақтың мақсаты: Сырым Датұлы бастаған ұлт-азаттық көтерілістің себебі мен жүру барысын түсіну.
(Б) Ұйымдастыру сәті. Оқушыларды топтастыру.
Ой шақыру.
БЫМ Сатылап-диалогтік әдісті қолдану арқылы жаңа сабақтың тақырыбы анықталуға әрекет жасалынады. Слайд арқылы «отар», «отарлау», «отаршылдық» «ұлт азаттық көтеріліс» кілт сөздері көрсетіліп, оқушылардан осы ұғымдардың мағынасын қалай түсінетіндігі анықтау үшін талқылау жүргізіледі.
(Б) Оқушылар патша өкіметінің осы кезеңге дейін жүргізген отаршылдық саясатын еске түсіреді, мысалдар келтіреді.
(М) Оқушыларға келесі сұрақ төңірегінде ойлану үшін төмендегідей сұрақ ұсынылады.
- Сіздердің келтірген мысалдарыңызға қарай қарапайым халық бұқарасы наразылық ретінде қандай іс -әрекетке баруы мүмкін?
-Жалпы адамдар өздерінің наразылығын қалай көрсетеді?
Талқылаудың нәтижесінде оқушылар халық наразылығының бір көрінісі -көтеріліске шығу деген тұжырымға келеді.
(М) Ұлт- азаттық қозғалыс ұғымына анықтама беріледі.
Ұлт – азаттық қозғалыс – отар елдерге тән тарихи құбылыс.
Ұлт – азаттық қозғалыс – халықтардың отарлық езгіге қарсы жалпы халықтық күресі.
(М) Сабақтың тақырыбы, оқу мақсаты мен бағалау критерийлері таныстырылады. Тарихи концепт пен зерттеу сұрағына назар аударылады.
 Тарихи концепт (фокус): Себеп-салдар....