Сабақ жоспары (ұмж): Қазақ-жоңғар шайқастары 4-сабақ (Қазақстан тарихы, 8 сынып, І тоқсан)

Пән: Қазақстан тарихы
Ұзақ мерзімді жоспар бөлімі: 6.4A бөлім Қазақ хандығының XVI – XVII ғасырлардағы дамуы
Сабақ тақырыбы: Қазақ-жоңғар шайқастары 4-сабақ
Осы сабақта қол жеткізілетін оқу мақсаттары (оқу бағдарламасына сілтеме): 7.3.2.1 – Жоңғар шапқыншылығына қарсы күресте танылған хандар мен батырлардың рөлін түсіндіру
Сабақ мақсаттары: Қазақ-жоңғар шайқастарының барысын түсіндіру.
Т Оқушыларға «Аңырақай шайқасы» аниматикасын көрсетіңіз. Оқушыларға берілген бейнематериалды дыбыстауға тапсырма беріңіз. Сол үшін оқушылар бейнематериалға сценарий жазады. Сол үшін оқушылар бұрынғы білімдері мен сабақ барысында алған білімдерін қолдануы қажет.
Б Суретпен жұмыс.
1. Суретте нені көріп тұрсыз?
2. Қандай іс-әрекеттер бейнеленген?
3. Кімдер?
4. Қашан?
5. Неге?
Б Зерттеу сұрақтары:
1. Қазақ-жоңғар соғысының қандай шайқастары оңтайлы нәтижелерге әкелді?
2. Жоңғар агрессиясына қарсы күресте хандар мен батырлардың рөлі қандай болды?
Т Мәтінмен жұмыс (Қосымша 1)
Оқушыларға мәтіндерді оқып шығып, келесі тапсырмаларды орындауға ұсыныс беріңіз:
• мәтіннің негізгі ойын анықтау
• маңызды 2 кілтті сөзді анықтау
• негізгі 3 тарихи фактіні анықтау
• маңызды тарихи тұлғаларды анықтау
Содан кейін аталған мәтіндерді тұжырымдап, Бұланты шайқасы туралы қысқаша тезис құрастырып, оның тарихи маңыздылығын ашып көрсетуді сұраңыз.
Ж Бейнематериалмен жұмыс. Бейнематериалды көрсетпес бұрын оқушыларға сұрақтарды алдын-ала беріңіз. Бейнематериалды көру барысында оқушылар келесі сұрақтарға жауап берулері тиіс:
1. Жоңғар хандығына қысқаша сипаттама беріңіз.
2. Аңырақай шайқасы қашан және қалай болды?
3. Қазақ-жоңғар қарым-қатынасында Аңырақай шайқасы қандай рөл атқарды?
4. Аңырақай шайқасының тарихи маңыздылығы қандай?.....