Сабақ жоспары (ұмж): Керей мен Жәнібек қандай істерімен халық есінде қалды? (Қазақстан тарихы, 7 сынып, ІІІ тоқсан)

Пән: Қазақстан тарихы
Ұзақ мерзімді жоспар бөлімі: 7.3С Біртұтас қазақ мемлекетінің құрылуы
Сабақ тақырыбы: Керей мен Жәнібек қандай істерімен халық есінде қалды?
Оқу мақсаттары: 7.3.1.9 Қазақ хандығы құрылуының тарихи маңызын анықтау
7.2.3.4 М. Дулатидің «Тарихи-Рашиди» еңбегінің маңыздылығын түсіндіру
7.3.1.10 қазақ хандарының мемлекетті өркендетудегі рөлін анықтау
Сабақ мақсаттары: Қазақ хандығының құрылуына септігін тигізген факторлар бойынша диаграмма жасау;
Мәтін бойынша сұрақтарға жауап береді;
Керей мен Жәнібек хандар туралы бейнематериалды көрсетіп, оларға мінездеме құрастырады.
Өткен сабақтардан алған білімдерін пайдалана отырып, Қазақ хандығының құрылуына әсер еткен факторларды анықтауға тапсырма беру.
Тарихи оқиғаның факторларын анықтаудың критерийлері мынадай:
- экономикалық
- әлеуметтік-этникалық
- саяси
- мәдени
«Қазақ хандығының құрылуының факторлары арасында қандай байланыс бар және жоғарыда көрсетілген критерийлердің қайсысы мемлекеттің құрылуына негізгі септігін тигізді?» деген сұрақ негізінде оқушыларға диаграмма жасауға тапсырма беру.
Диаграммаға максималды 5 шкала қолданылады: .
1 – «орасан зор септігін тигізді»,
3 – «айтарлықтай септігін тигізді»,
5 – «ешқандай әсері болған жоқ».
Тапсырма соңында сыныптың ортақ байламға келуіне бағыт беру.
Т/Б Топтар өздерінің таңдауларын жасаған диаграммалары арқылы баяндайды.
Т/Б «Керей мен Жәнібек – Қазақ хандығының тұңғыш хандары» тақырыбындағы суретті ұсынып, екі оқушыны тақтаға шығарып, дәл суреттегідей кейіпке енуін сұрау.
Сұрақ : Не көріп, не естіп, не сезіп, не ойладың?
Т/Б Керей мен Жәнібектің бөлініп шығуы туралы мағлұмат беру үшін М Дулатидің «Тарихи -Рашиди» еңбегінен үзінді беру. Оқушылар мәтінді оқып, бір біріне жуан сұрақтар қояды:
Шамалы сұрақтар:
1. «Бұл дерек бізге қандай мағлұмат береді?».
2. «Деректен қандай қорытынды шығаруға болады?» .
Б Керей мен Жәнібек хандар туралы бейнематериалды көрсету.
Т/Ж Керей мен Жәнібекке мінездеме жазуды тапсыру.
Кейіпкерге мінездеме жазу үшін келесі критерийлерге негізделу қажет:
1. сол кейіпкердің өмір сүріп отырған дәуіріне толық сипаттама жазу;
2. кейіпкердің өмір сүрген ортасы, өмірбаяны;
3. қоғамда алатын орны, іс–әрекеті, тұлға ретіндегі қызметі.
4. адами қасиеті, ерекшеліктері.
5. кейіпкерге тарихи баға беріп қорытындылау.
6. кейіпкер туралы оқушы пікірі, көзқарасы......