Сабақ жоспары (ұмж): Моңғол империясының құрылуы 2-сабақ (Қазақстан тарихы, 6 сынып, ІІІ тоқсан)

Пән: Қазақстан тарихы
Ұзақ мерзімді жоспар бөлімі:6.3 А XIII – XV ғасырдың І жартысындағы Қазақстан
Сабақ тақырыбы: Моңғол империясының құрылуы 2-сабақ
Осы сабақта қол жеткізілетін оқу мақсаттары (оқу бағдарламасына сілтеме): 6.2.2.3 – көшпелілердің әскери өнеріндегі жетістіктерін сипаттау;
6.3.1.6 – картаны қолдану арқылы XIII-XV ғасырлардағы мемлекеттердегі саяси үдерістерді түсіндіру
Сабақ мақсаттары: Деректерді талдау арқылы көшпелілердің тарихында қандай саяси үрдіс орын алғанын сипаттайды.
(Б) БЫМ. Оқушылардың тақырыпқа қызығушылығын ояту үшін бастапқы ынталандырушы материал ретінде «Моңғол мемлекеті» жайлы бейнефильм көрсетіп, төмендегі сұрақтар бойынша талдау жасату.
 Нені көрдіңдер?
 Нені түсіндіңдер?
 Қандай сезімде болдыңдар?
 Қандай қорытындылар шығаруға болады?
(М) Сыныптық талқылаудан кейін оқушыларды сабақ тақырыбына алып келіңіз.
(М) Жаңа сабақтың тақырыбын, зерттеу сұрағы, мақсаты мен бағалау критерийлерін таныстырыңыз.
Зерттеу және талдау
1-тапсырма
Т. Дерекпен жұмыс
1-топ. «Моңғол империясының құрылуын» дерекпен танысып, Time Line» уақыт сызығын құру (Қосымша 1)
Деректі талдауға нұсқаулық:
1.Моңғол империясының құрылуындағы маңызды тарихи оқиғалар мен мерзімдерді таңдап алып, сызық бойына орналастыру
2.Ең маңызды бір тарихи оқиғаны таңдап алып, моңғол империясы үшін неліктен аса маңызды екендігін дәлелдеу.
3.Маңызды оқиғаларды картаға түсіру.
Дескриптор:
• Моңғол империясының құрылуындағы маңызды тарихи оқиғалар мен мерзімдерді таңдап алып, уақыт сызығы бойына орналастырады;
• Ең маңызды бір тарихи оқиғаны таңдап алып, моңғол империясы үшін неліктен аса маңызды екендігін дәлелдейді.
• Маңызды оқиғаларды картаға түсіреді.
2-топ. «Жасақ заңын» талдау. (Қосымша 2, 3)
Деректі талдауға нұсқаулық:
1. Деректің қандай түріне жатады?
2. Қай уақытта жазылған?
3. Авторы кім?
4. Қазір қолдануға болады ма?.....