Сабақ жоспары (ұмж): Ежелгі түріктердің жазуы 3-сабақ (Қазақстан тарихы, 6 сынып, І тоқсан)

Пән: Қазақстан тарихы
Ұзақ мерзімді жоспар бөлімі: 6.1AVI – IX ғғ. Қазақстан
Сабақтың тақырыбы: Ежелгі түріктердің жазуы 3-сабақ
Осы сабақ арқылы іске асатын оқыту мақсаттары: 6.2.3.1 – көне түркі жазуының маңызын түсіндіру
Сабақтың мақсаттары:
Көне түркі ескерткіштерінің ашылу тарихын біледі;
Көне түркі жазуының тарихи маңызын түсінеді.
Б Бейнематериалды тыңдар алдында сұрақтарды таратыңыз.
«Көне түркі жазбалары» бейнематериалын тыңдап келесі сұрақтарға жауап дайындаңыз:
Көне түркі ескерткіштерін ашқан ғалымдар кімдер?
Руна сөзінің мағынасы қандай?
Күлтегін, Тоныкөк жырларының қазақ әдебиетінің «ұстазы» екендігіне қандай дәлел келтіре аласыз?
М Сабақтың тақырыбы мен мақсаттары, бағалау критерийлері хабарланады.
Зерттеу
Т/Д Тапсырма 1. Оқушыларға түркі жазуы, Күлтегін жыры туралы мәтін беріледі. Мәтіннің мазмұнына сәйкес 4 сұрақ (2 ашық, 2 жабық) құрастырады. Құрастырған сұрақтарын бір-біріне қояды. Сұрақтар ойлаудың жоғарғы деңгейіне сәйкес келуіне назар аударыңыз (оқушылардың сұрақ қою және жауап беру дағдыларының дамуына көңіл бөліңіз).
Ж/Т Тапсырма 2. Оқушылар жұпта, сосын топта түркі жазуының тарихи маңызына кем дегенде 2 дәлел келтіреді. Топтар бір- бірін бағалайды.
Маңыздылығын анықтау үшін келесі критерийлерді қолдануды ұсыныңыз:
- Тарихи оқиғалар туралы дерек көзі ретінде маңызы
- Түріктердің рухани мәдениетінің жәдігері ретінде маңызы
Топтық бағалау
Бағалау критерийі: Түркі жазуының тарихи маңызына дәлел келтіреді.
Дескрипторлар:
Түркі жазбаларының сол кезеңдегі тарихи оқиғалар туралы дерек көзі ретіндегі маңызына 2 дәлел келтіреді;
Түркі жазуының рухани мәдениеттің жәдігері ретінде маңызына 2 дәлел келтіреді.......