Сабақ жоспары (қмж): Алғашқы адамдар қалай өмір сүрді – 1 сағат (Қазақстан тарихы, 5 сынып, І тоқсан)

Пән: Қазақстан тарихы
Ұзақ мерзімді жоспар бөлімі: 5.1A Қазақстандағы ежелгі адамдардың өмірі
Сабақтың тақырыбы:Алғашқы адамдар қалай өмір сүрді – 1 сағат
Осы сабақта қол жеткізілетін оқу мақсаттары (оқу бағдарламасына сілтеме)Барлығы: 5.1.1.1 алғашқы адамдардың антропологиясын сипаттау
Көпшілігі: 5.1.2.1 алғашқы адамдардың тұрмыс-тіршілігін шығармашылық түрде (әңгімелеу, бейнелеу, көрініс, макет) көрсету
Кейбірі: Алғашқы адамдардың түр келбетіндегі өзгерістерді уақыт сызығына салып көрсету.
Сабақтың басы
Қызығушылықты ояту кезеңі. Бастапқы стимул.
1) (Б) Сабақтың басында оқушыларға «алғашқы адамдар жайлы не білесің?» сұрағын қоямын. Оқушылар бастауыш сыныпта алғашқы адамдар туралы танысқан ақпараттарын еске түсіруі қажет. Бұл алдыңғы білімдер арқылы оқушылар жаңа сабаққа ынтасын аударады. Оқушылар сабақ мақсатымен, тапсырмалармен және бағалау критерийлерімен (дескипторлармен) танысады.
Сабақтың ортасы
2 мин Мағынаны тану кезеңі.
2) (Б) 1-тапсырма. «Суреттерді салыстыр». Презентациядан алғашқы адам мен қазіргі адамның суретін ұсынып, оқушыларға сұрақтар қоямын:
• Суреттен не көріп тұрсыз?
• Қазіргі адам қандай?
• Алғашқы адам қандай болған?
• Алғашқы адамды қоршап тұрған әлем қандай болды? Ал қазір не өзгерді?
Бүгінгі сабақта осыдан 2,5 млн жылдар бұрын өмір сүрген адамдар өміріне саяхат жасайтындарын айтамын. Қосымша 1
Ықтимал жауаптары: суреттегі екі адам әртүрлі кезеңде өмір сүрген. Олардың түр келбетінде, құрал-жабдықтарында ерекшеліктер бар.
(Т) Зерттеу сұрақтары:
• Алғашқы адамдар қоршаған ортамен қалай әрекеттескен?
• Алғашқы адамдар өмірінде өзгерістер болды ма?
2) (Ж) 2-тапсырма. «Сипатта». Слайдтан алғашқы кездегі табиғат жағдайын, жойылып кеткен жануарларды, динозаврлар, мамонттармен қатар тіршілік етіп жүрген адамдар тобыры бейнеленген суреттерді немесе бейнематериалдан дыбыссыз үзінді көрсетемін. Оқушылар суреттерге немесе бейнематериалға мұқият қарап, алғашқы адамдар қоршаған ортамен қалай байланысын, тұрмыс тіршілігін сипаттайды.
(Ф) Қалыптастырушы бағалау жұмысын ұсынамыен. Қосымша 2
3) (М) Алғашқы адамдардың өмірін сипаттайтын интерактивті материалды ұсынамын.
(Т) 3-тапсырма. Әр топ бейнематериал мазмұнының түрлі фокустарына назар аударуы тиіс:
І топ: бейнематериалдағы адамдардың іс- әрекетін бақылайды;
ІІ топ: еңбек құралдары, олардың қолданылуы туралы ойларын жазады;
ІІІ топ: алғашқы адамдардың дене тұрпаты мен бет-әлпетіндегі өзгерістерді байқайды;
IV топ: алғашқы адамдардың кәсібін сипаттайды.
Оқушылар өздерінің бақылау қорытындыларын дәптерлеріне жазып отырады. Топтар өздерінің жауаптарымен алмасады, бір-бірін толықтырады.
(Ф) Қалыптастырушы бағалау жұмысын ұсынамын. Қосымша 3
4) 4-тапсырма. «Шығармашылық жұмыс»
(Д) Оқушыларға шығармашылық тапсырма орындауды ұсынамын. Оқушы тиісті тапсырмалардың біреуін таңдап, топпен орындайды.
Мысалы,
• «Алғашқы адамдардың бір күндік өмірі» туралы шағын әңгіме жазу;
• «Алғашқы адамдардың бір күндік өмірі» тақырыбында макет жасау;
• Алғашқы адамдардың өмірін сипаттайтын сурет салу;
• Алғашқы адамдардың өмірінен алған білімдерін қолданып, «Елсіз аралда аман қалу» жоспарын құрастыру.
Оқушылар өздерінің шығармашылық жұмыстарын сыныпқа таныстырады.
5) (Б) «Алғашқы адамдар қалай өмір сүрді?» тақырып сұрағына қайта оралып, сабақты қорытындылаймын......