Географиядан сабақ жоспары: Қазақстанның аумағын экологиялық аймақтарға бөлу (10 сынып, II тоқсан)

Пән: География
Ұзақ мерзімді жоспар бөлімі: Биосфера
Сабақ тақырыбы: Қазақстанның аумағын экологиялық аймақтарға бөлу
Сабақ мақсаттары: • Қазақстанның экологиялық мәселелер / апатты аймақтарды анықтай алу.
• Зерттеулерді жүргізу барысында Қазақстандағы экологиялық мәселелерді анықтап, пайда болу себептері мен шешу жолдарын қарастыру
• Географиялық деректерді зерттеу, талдау және таныстыру үшін АКТ пайдалану.
I.Сәлемдесу,түгелдеу, жайлы орта ұйымдастыру.
II. Суреттермен жұмыс (Қосымша №1)
«Таным таразысы»
• Бұл суреттерден қандай ортақ ой түйіндеуге болады?
• Неліктен экологиялық проблемалар туындайды?
• Олар қай уақытта апатқа айналады?
• Экологиялық проблемалар Қазақстанның қай жерінде орналасқан?
• Неліктен бұл мәселелер ғаламдық деңгейде қаралуда?
Оқушылар осындай проблемалары бар негізгі аймақтары белгіленген Қазақстанның картасы бойынша пікір айтады. Мұғалімнің кейбір ұғымдарды ашып айтып түсіндіруі.
III. Кім алғыр?
1. «Қоршаған ортаны қорғау туралы» заң қай жылы қабылданды? (1997 жылы)
2. Қоршаған ортаның жағдайын бақылау, байқау, бағалау мен болжаудың кешенді жүйесі қалай аталады? (Мониторинг)
3. Әлеуметтік экология қандай жүйені зерттейді?
( Қоғам- қоршаған орта)
4. Қорықтар дегеніміз не?
(Мемлекеттік қорғауға алынған аумақтардың жиынтығы)
5. Қазақстанда неше қорық бар?
6. Экологиялық апат аймақтарын ата?
(Арал өңірі мен Семей ядролық полигоны)
7. Қазақстандағы табиғаты тамаша аймақтар.
(Бурабай, Баянауыл, Сарыағаш)
8. Қызыл кітап ең алғаш рет қай жылы шықты?
(1978 жылы)
9. Экология сөзі қандай мағынаны білдіреді?
( лат. оіkos – үй, баспана; logos – ілім – жеке организмнің қоршаған ортамен қарым-қатынасы.)
№1 тапсырма: Бейнебаянды пайдалана отырып, төмендегі кестені толтырыңыздар.
Қазақстандағы экологиялық апатты аймақтар Апатты аймақтардың пайда болу себептері,салдары
№2 тапсырма: Кейс әдісі арқылы мәтінмен жұмыс. Арал теңізі. Талқылаудың нәтижелері тіркеліп отыру үшін, мақсатты түрде топтарға төмендегі көрсетілген шаблон түрін ұсынуға болады:
(Қосымша №2,3)
№3 тапсырма. Нақты бір «апат» немесе дағдарыс аймағын таңдайды. Мысалы: Каспий теңізі мен жағалауы, Байқоңыр ғарыш айлағы, Семей полигоны, ірі кәсіпорындар шоғырланған қалалар.
• Апат туралы баяндайтын газет мақаласын жазу қажет.
• Нәтижелерді реттеу үшін қысқа мерзімді және ұзақ мерзімді стратегиялар әзірлеу.
• Экологиялық апатты аймақтар туралы инфографика құрастыру
ІV. Қорытындылау. Топтастыру әдісі бойынша экологиялық аймақтардың алдын алу немесе шешу жолдарын ұсыну.
Оқушылармен бірігіп мынадай қорытынды жасалынады.
1. Өндіріс орындарында біртіндеп тазалаушы қондырғыларды орнату.
2. Зияны аз деген отын түрлерін пайдалану.
3. Қалдықсыз технологияға көшу.
4. Табиғи байлықты тиімді пайдалану.
5. Флора мен фаунаның жойылып кетуінен сақтайтын іс-шараларды жедел түрде ұйымдастыру.
6. Ағаштар егу.
7. Табиғат тазалығын сақтау......