Географиядан сабақ жоспары: Қазақстандағы саяси-әкімшілік хоронимдер (9 сынып, IV тоқсан)

Пән: География
Бөлім: Елтану және саяси география негіздері
Сабақтың тақырыбы: Қазақстандағы саяси-әкімшілік хоронимдер
Оқу мақсаттары: 9.6.1.4 Қазақстандағы саяси-әкімшілік хоронимдерді жіктеп, мағынасын түсіндіреді және транслитерациясын үш тілде ұсынады;
Сабақтың мақсаты: Қазақстандағы саяси-әкімшілік хоронимдердің мағынасын түсіндіріп,транслитерациясын үш тілде ұсынады.
«Ой шақыру»
Күні кеше ел астанасы Нұр-Сұлтан болып өзгерді.
Мұғалім оқушылардан бігінгі сабақтаың тақырыбын болжауды сұрайды.
Оқушылар болжамдар ұсынады, қажет болған жағдайда бағыттаушы сұрақтар қойса болады.
Мұғалім тақтадан сабақтың тақырыбын көрсетеді, сабақтың мақсатымен таныстырады.
«Ой шақыру»
Қазақстанда атауы өзгерген қандай елді-мекен, қала, облыстарды білесіңдер?
Оқушылар өз ойларымен бөліседі.
1 тапсырма:
Оқушылар шағын топтарда немесе жұпта аты өзгерген елді-мекендердің экономикалық аймақ бойынша деректер базасын (тізімін) жасайды. (Қазақстан, облыс, аудан, жергілікті аймақ, хронология бойынша, аймақ бойынша т.б).
Оқушылар өз жұмыстарын сынып алдына ұсынады. Мұғалім кері байланыс бере отырып бағалау жүргізеді.
Топтық жұмыс
2 тапсырма: Оқушыларға Қазақстанның қалалары туралы мәтін таратылады. Қосымша интернет ресурстарына қолжетімді болған жағдайда басқа ақпарат көздерін пайдалануға болады.
Әр топ таңдау бойынша 1 елді-мекен атауының мағынасы мен өзгеру себебін зерттеп, шығармашылық жұмыс түрінде ұсынады.
Оқушылар өз зерттеулерінің нәтижесін ұсыныу формаларын (презентация, инфографика, постер т.б.) таңдаулары бойынша ұсынады
Дескрипторлар
- Елді-мекеннің (қала) атауын атайды
- Елді-мекеннің ескі атауын атайды.
- Елді-мекеннің ескі атауының мағынасын түсіндіреді.
- Елді-мекен атауының хронология бойынша өзгеруінің себебін түсіндіреді.
- Елді-мекен атауының үш тілде транслитерациясын ұсынады.
Топтар берілген дескрипторлар негізінде өзара бағалау жүргізеді.
Мұғалім кері байланыс береді.......