Географиядан сабақ жоспары: Қазақстанда минералды ресурстардың таралу заңдылықтары №2 (9 сынып, I тоқсан)

Пән: География
Ұзақ мерзімді жоспардағы бөлім: Литосфера
Сабақ тақырыбы: Қазақстанда минералды ресурстардың таралу заңдылықтары №2
Осы сабақта қол жеткізілетін оқу мақсаттары: (оқу бағдарламасына сілтеме)9.3.1.4 Қазақстанның минералды ресурстарының таралу заңдылықтарын анықтайды.
Сабақ мақсаттары: Оқушылар:
 Қазақстанның минералды ресурстарының таралу заңдылықтарын анықтайды.
1. Өткенді қайталау арқылы бастапқы білімді жаңғырту.
Оқушылар алдыңғы білімді еске түсіру мақсатында суреттермен жұмыс жасайды.
Оқушылар суреттер бойынша минералды ресурстардың түрлерін анықтайды және таралу заңдылықтарын түсіндіреді.
Дескрипторлар
Оқушы
-Суреттер бойынша минералды ресурстардың түрлерін анықтайды;
-Минералды ресурстардың таралу заңдылықтарын түсіндіреді.
Мұғалім оқушылардың жауаптарына толықтырулар енгізеді. Оқушыларға кері байланыс береді.
2. Ой шақыру. Мұғалім оқушыларға сұрақ қояды:
-Еліміз қандай минералды ресурстарға бай болып келеді?
3. Мақсатты тұжырымдау. Оқушылармен бірлесе отырып, сабақтың мақсаттары анықталады.
• Қазақстанның минералды ресурстарының таралу заңдылықтарын анықтайды.
4. Бейнеролик тамашалау «Тау жыныстарының түрлері», «Алмаз».
Twig сайтынан алынған бейнематериалдар:


Бейнероликтен кейін мұғалім сұрақтар қояды:
-Шөгінді, магмалық, метаморфты тау жыныстары қалай пайда болады?
-Олардың таралу заңдылықтары қандай?
-Алмаз қалай пайда болады?
5. Кестемен жұмыс
Оқушылар мәтінге және атласқа сүйене отырып, Қазақстанның минералды ресурстары атты кестені толтырады.
Минералды ресурстар Кен орны Таралу заңдылығы
Көмір
Мұнай, газ
Темір
Боксит
Алтын
Хром
Марганец
Мыс
Полиметалл
Дескрипторлар
Оқушы
-Минералды ресурстардың кен орындарын анықтайды;
-Магмалық тау жыныстарының таралуын түсіндіреді;
-Метаморфтық тау жыныстарының таралуын түсіндіреді;
-Шөгінді тау жыныстарының таралуын түсіндіреді.
Оқушылар өзара бағалау жүргізеді. Мұғалім оқушылардың жауаптарын толықтырады.
6. Картамен жұмыс
Оқушылар атласты қолдана отырып, кескін картаға Қазақстанның минералды ресурстарының кен орындарын түсіреді.
Дескрипторлар
Оқушы
-Кескін картаға жанатын пайдалы қазбаларды түсіреді. Кем дегенде 10 кен орны;
-Кескін картаға рудалы пайдалы қазбаларды түсіреді. Кем дегенде 10 кен орны;
-Кескін картаға рудасыз пайдалы қазбаларды түсіреді. Кем дегенде 10 кен орны;
-Кескін картамен жұмыс жасау ережелерін сақтайды: қара сиялы қалам, шартты белгілер, әріптердің мөлшері, ұқыптылық.
Мұғалім оқушылардың жұмыстарын тексеріп, кері байланыс ұсынады.
7. Сабақты бекіту.
Сабақты бекіту мақсатында оқушылар Венн диаграммасын толтырып, сұрақтарға жауап береді.
-Қазақстанның минералды ресурстарының таралу ерекшеліктері қандай?
Қабілеті жоғары оқушылар күрделі сұрақтарға жауап береді және тақырып бойынша қорытынды жасайды......