Географиядан сабақ жоспары: Өзен аңғарының құрылысы №2 (8 сынып, II тоқсан)

Пән: География
Қысқа мерзімді жоспар бөлімі: Биосфера
Сабақ тақырыбы: Өзен аңғарының құрылысы №2
Осы сабақта қол жеткізілетін оқу мақсаттары: (оқу бағдарламасына сілтеме)8.3.3.3 өзен аңғарының құрылысын түсіндіреді
Сабақ мақсаттары: Өзен ұғымын білу: өзен алабы, бастау, саға, канал, ағыс, ауытқушылық, құлау, су ағысы, алқап, құлама су, меандр иілімі, суайрық, өзен аңғары.
Схемалар мен сызбаларды пайдалана отыра өзеннің жер бедеріне (эрозия, түзілу, өзен арнасының өзгеруі, суайрықтар мен меандр иілімінің қалыптасуы, өзен уәді, атырауы және сағаларының қалыптасуы) әсер етуіне сипаттама бере алатындай жағдайда болу.
Карта бойынша өзен бастауларын, сағасын, салаларын және ұзындығын анықтай алу
Өзен еңістігін есептей алу.
Картадан өзен ағысы сипаты мен өзен аңғары ерекшеліктерінің жер бедеріне байланыстылығын анықтай білу.
Карта және жоспарды пайдалана отырып, өзендер мен көлдер жүйесін сипаттай білу.
 Сәлемдесу
 Жаңа сабақтың мақсатын айтып кіріспе жасау,суреттер арқылы тақырыпқа шығу.
 Оқушыларға өзен және оның аңғарының құрылысы туралы түсіндіру. Дәптерлеріне қажетті ақпараттарды жаздырту.
 Бүкіл сыныппен жұмыс
«Өзен алабы » Практикалық жұмыс :
1. құм салынған табақ, суды пайдаланып «өзен», «өзен алабы» туралы қолмен жасап көреді, өзеннің бастауын, саласын, сағасын алабын модельдейді. Нәтижелерін дәптерге жазады.
Картамен жұмыс;
1. Картадан төрт мұхиттың алаптарының өзендерін анықтап дәптерлеріне жазады
Топтық жұмыстар
Оқушылар 4 топқа мұхит алаптары бойынша бөлінеді. Жоспар бойынша өзендерге сипаттама береді, ерекшеліктеріне тоқталады.
1-топ: Еуразияның өзендері.
2-топ: Солтүстік Американың өзендері.
3-топ: Оңтүстік Американың өзендері.
4-топ: Африканың өзендері.
 Рефлексия:
Не білдім?
Не үйрендім?
Не қыйын болды?
 Бағалау: Оқушылар өздерінің жұмысы мен сыныптастарының жұмысын бағалау критерийлері бойынша бағалай алады.
 Үйге тапсырма: өзендерді номенклатура бойынша дайындалып келу......