Географиядан сабақ жоспары: Жер бедерінің қалыптасу заңдылықтары (8 сынып, I тоқсан)

Пән: География
Ұзақ мерзімді жоспар бөлімі: Физикалық география
Сабақ тақырыбы: Жер бедерінің қалыптасу заңдылықтары
Осы сабақта қол жеткізілетін оқу мақсаттары: (оқу бағдарламасына сілтеме)8.3.1.1 жер бедерінің қалыптасу және таралу заңдылықтарын зерттейді
Сабақ мақсаттары: Жер бедері түрлерін ажырата алады. Жер бедерінің қалыптасуын түсіндіре отырып, болжам жасай алады.
Картаны қолдана отырып жер бедерінің түрлерін сипаттайды. Берілген карталармен жұмыс жасап,жер бедерінің негізгі түрлерінің таралу заңдылықтарын біледі.
Психологиялық ахуал: оқушылармен сәлемдесу, түгендеу. Оқушылар бір-біріне «Жүрек жылуы» әдісі арқылы сабаққа тілектерін білдіреді.
Тақырыпты ашу үшін оқушыларға сурет көрсету және сұрақтар қою.
«Ми шабуыл»: Суретке қарай отырып бүгінгі сабақтың тақырыбын анықтау. Оқу мақсаттары (ОМ) жарияланады.
Мұғалім жер бедері туралы ақпарат береді.
Жаңа сабақты түсіндіру.
Жер бедерінің түрлері
Үгілу дегеніміз - жер бетінде немесе ауа қабатында температураның ауытқуы, судың және ағзалардың химиялық немесе механикалық әсерінен тау жыныстарының бұзылуы мен химиялық өзгеріске ұшырау үдерісі.
Үгілу:физикалық (механикалық), химиялық және органикалық болып үш топқа бөлінеді. Үгілу салдарынан денудация процесі жүріп ол жер бедерін күрделі өзгеріске ұшыратады.
Денудация - үгілген тау жыныстарының жер бетінің ойпаң бөліктеріне сырғу немесе тасымалдану (сумен, желмен, мұздықпен, ауырлық күшінің тікелей әсерімен) процестерінің жиынтығы.
Орография - жер бедері формаларын сыртқы бейнесіне байланысты сипаттау. Кейбір жер бедерінің көріністері бір-біріне әр түрлі белгілері бойынша ұқсас болып келеді. Мысалы, биіктігі, ені, ауданы, тау шыңдарының формалары бойынша. Орографиялық бірліктерге мысалы, тауларды жатқызуға болады.
Топтық жұмыс. Тапсырма 1.
1. Физикалық картадан таулар мен жазықтар орналасқан жерлерді анықтайды.
2. Тектоникалық картаны қарап, физикалық картамен салыстырады. материктердің жер бедерінің негізгі түрлерінің таралу заңдылықтарын шығарады. Кесте толтырады.
Мұғалім дұрыс жауабын көрсетеді, оқушылар өз-өздерін бағалайды
Бағалау критерийлері № Дескриптор
жер бедерінің қалыптасу және таралу заңдылықтарын зерттейді
1 Жер бедері түрлерін ажырата алады.
2 Картаны қолдана отырып жер бедерінің түрлерін анықтай алады.
3 Берілген карталармен жұмыс жасап,жер бедерінің негізгі түрлерінің таралу заңдылықтарын біледі....