Әдебиеттік оқудан сабақ жоспары: Тыңдалған шығарма бойынша пікір білдіру (3 сынып, I тоқсан)

Пән: әдебиеттік оқу
Ұзақ мерзімді жоспар бөлімі: Жақсыдан үйрен, жаманнан жирен
Сабақ тақырыбы: Тыңдалған шығарма бойынша пікір білдіру
Осы сабақта қол жеткізілетін оқу мақсаттары: (оқу бағдарламасына сілтеме)3.1.3.1 шығармадағы кейіпкерлердің мінез-құлқы мен іс-әрекетіне, ондағы оқиғаларға сүйеніп, сюжеттің дамуын болжау;
3.1.5.1 өз ойы мен сезімін көркем-бейнелі сөздерді қолдана отырып жеткізу
Сабақ мақсаттары: Барлық оқушылар: шығармадағы кейіпкерлердің мінез-құлқы мен іс-әрекетіне сүйеніп, сюжеттің дамуын болжай алады және көркем-бейнелі сөздерді қолдана отырып,өз ойын жеткізуді біледі
Көптеген оқушылар: кейіпкерлердің мінез-құлқы мен іс-әрекетіне сыныи тұрғыда баға бере алады
Кейбір оқушылар: және көркем-бейнелі сөздерді қолдана отырып сюжеттің дамуын болжай алады .
Сабақтың басы
Ширату тапсырмасы. 1. Суреттер бойынша сұрақ құрастыр. Оқушыларға «күліп тұрған» және «ренжіп тұрған» ұл бала бейнеленген суреттер беріледі. Оқушылар олардың іс-әрекетіне қарап баға берді.
2. Оқушылардан қандай іс-әрекеттер жасағандары жайлы сұралады.
Бұл тапсырмадан не байқадыңдар?
Қандай жұмыс орындадыңдар?
Оқу мақсатын айқындау: шығармадағы кейіпкерлердің мінез-құлқы мен іс-әрекетіне сүйеніп, сюжеттің дамуын болжай алады және көркем-бейнелі сөздерді қолдана отырып,өз ойын жеткізуді біледі
Сабақтың ортасы
Болжайық. (Т). Суретте арқылы болжау.
1. Оқушыларға суретке қарап оқылатын әңгіме бойынша суреттегі бала мен кейіпкерлердің көңіл күйі қандай? Ол әрі қарай не істейді деп болжауды сұраңыз.
2. Алдымен олар топтарымен ойларын бөлісіп, суреттер жайында не талқылайды. Топтарды тыңдап, жетістіктерін бағалаңыз.
3. Суреттегі баланың көңіл күйіне тоқтап, оқушылардан содан кейін не болады, ол не істейді? т.б. сұрақтар қойыңыз. Оқушылар өз жауаптарына дәлел келтіру керек. Бірнеше нұсқасын постерге жазғызыңыз.
Қ/Б: «Екі жұлдыз, бір тілек» әдісі. Екі жұлдыз –жұмыс туралы екі ұнаған нәрсе. Тілек – жақсартуды қажет ететін нәрсе.
Оқиық. (Ө,Ұ). «Болжамың дұрыс па? Білгің келсе, мәтінді оқы» деп тапсырыңыз.
1. Суретке қайта қарап онда не бейнеленгенін сұраңыз.
2. Жақсы оқудың үлгісі ретінде оқушыларға дауыстап оқып беріңіз.
3. Мәтінді оқып шығу үшін уақыт беріңіз.
4.Оқушылардан өз ойларын, пікірлерін пысықтау үшін немесе автордың жазғанын ой елегінен өткізу үшін мәтін бойынша сұрақтар қойыңыз.
 Екі бәтеңкенің әңгімесінен не түсіндің?
 Екі бәтеңкенің көңіл-күйлері қандай?
Қ/Б: «Бас бармақ» әдісі. Бас бармақтарын көрсету арқылы түсіндіргенді олардың ұғу деңгейі тексеріледі.
Бас бармақ жоғарыға қарап тұрса = Мен түсінемін.
Бас бармақ көлденең тұрса = Мен түсінгендеймін.
Бас бармақ төмен қарап тұрса = Мен түсінбедім.
Анықтайық. (ЖЖ). «Ойлан, жұптас, бөліс» әдісі. Мәтіндегі көркем-бейнелі сөздерді анықтайды.
(Ө) (Ойлан) – Мәтіндегі көркем-бейнелі сөздерді анықтап, стикерге жазып алады.
Мыс: (әлпетiңiзге қарағанда, тартқан азапты көрсең, жаныңнан түңiлер едiң, ерке-шолжаңы, айнадай жарқырайды, бетiне сәулең түседi, қоймалжың батпақ көзiме тығылып)
(ЖЖ) (Жұптас) – Мәтін бойынша белгіленген сөздерді бір–бірімен сәйкестендіреді.
(Т) (Бөліс) – Анықтаған сөздерді ортақ топта талқылап, салыстырады..
ҚБ. Жұптардың жауаптары тыңдалып, жетістіктері «От шашу» әдісі арқылы бағаланады.
4 – тапсырма. Жазайық.
1. Оқушыларға әңгіме мазмұны бойынша шығармашылық жұмыс жасайтынын айтыңыз.
2. Мәтіндегі бәтеңкелердің мінез-құлқы мен іс-әрекетін анықтадың. Енді мәтіндегі көркем-бейнелі сөздерді қатыстырып, оларға сипаттама бер деп тапсырма беріңіз.
3. Ол үшін қабырға сұлбасын толтыруды беріңіз.
4. Бәтеңке сұлбасы салынған қағазды топқа беріңіз немесе оқушылардың өздерінің салуына болады. Оқушылар екеуден немесе ең көбі төртеуден жұмыс істейді.
5. Олар сол кейіпкерді басқа адамдар сыртынан қалай көретінін көрсетіп, сөздерді немесе сөйлемдерді сұлбаның сыртына жазады. Сұлбаның ішіне олар кейіпкер өздерін қалай сезінетінін, олардың ойлары мен сезімдерін жазады.
6. Топта ортаға салып талқылап, өз ұсыныстарын білдіру үшін уақыт беріңіз.
4. Енді оқушылар барлық топта өз жұмыстарын қорғайды.
Қ/Б «От шашу» әдісімен топтар өз жұмыстарын бағалайды......