Қазақ әдебиетінен сабақ жоспары: Роза Мұқанова «Мәңгілік бала бейне» әңгімесі 1-сабақ (8 сынып, IV тоқсан )

Пән: Қазақ әдебиеті
Бөлім атауы: Қиял мен шындық
Сабақтың тақырыбы: Роза Мұқанова «Мәңгілік бала бейне» әңгімесі 1-сабақ
Осы сабақ арқылы жүзеге асатын оқу мақсаттары: А/И4. Шығармадан алған үзінділерді қайта өңдеп креативті жазу
Сабақ мақсаты: Мақсатына сай үзіндіні таңдай білу, қайта өңдеу, креативті жазу дағдысын қалыптастыру.
Сабақ барысы:
1-тапсырма «Тақырыптық түйінді сөздер»
Оқушылар «Сөздер банкісі» бөлігінен шығармаға қатысты түйінді сөздерді анықтайды. Шығармаға қатысты сөздерді «Біздің тақырып» деген бөлікке ауыстырып жазады. Сөздерді қатыстырып мәтін құрастырады
Сөздер банкісі Біздің тақырып
Ядролық сынақ,есеңгіреп көзін ашты, меңіреу адамша, саф ауа, қып қызыл бантик, құпия жазу, Төлен,ғаламшар , ғарышкерлер, Ләйла, жалаңаш Айды аймалап, жәрдем сұрады, тастағы
2-тапсырма «Тыңдайтын үшбұрыштар»
Оқушылар үш адамнан тұратын топқа бірігеді: спикер, интервьюер, хатшы.
СПИКЕР «Біздің тақырып» бөлігіндегі сөздерді шығарма үзінділерімен салыстырады (немесе шығармадағы проблема туралы өз ойымен бөліседі).
ИНТЕРВЬЮЕР мұқият тыңдайды және егжей-тегжейін анықтау үшін сұрақтар қояды.
ХАТШЫ үдерісті бақылайды және «спикерге» де, «интервьюерге» де кері байланыс береді.
3-тапсырма «Кезбе тілші» әдісі
Топтың бір мүшесі «Кезбе тілші» әдісі бойынша әр топты аралап жаңалықтар бағдарламасын жасайды.
Жаңалық бағдарламасы үшін қойылатын сұрақтың үлгісі төмендегідей болуы мүмкін:
• Егер сізге шығарманы қайта жазсаңыз қай бөлігін таңдап алар едіңіз?
• Оны таңдауыңыздың себебі не?
• Қандай тілдік тәсілді қолданасыз?
4-тапсырма. «Соңғы сөзді мен айтайын»
Оқушылар шығармадағы оқиға желісін «Невада - Семей» антиядролық қозғалысымен байланыстырып «Сынақтарға тыйым салынсын!» тақырыбы аясында ойтолғау жазады......