Қазақ әдебиетінен сабақ жоспары: Дулат Исабеков «Әпке» драмасы 6-сабақ (8 сынып, III тоқсан )

Пән: Қазақ әдебиеті
Бөлім атауы: Махаббат және абырой
Сабақтың тақырыбы: Дулат Исабеков «Әпке» драмасы 6-сабақ
Осы сабақта қол жеткізілетін оқу мақсаттары: (оқу бағдарламасына сілтеме) 8.2.4.1 шығармадан алған үзінділерді қайта өңдеп креативті жазу.
Сабақ мақсаты: Драма мәтінінен алынған үзінділерге сүйене отырып креативті жазу жолдарын меңгеру.
Сабақ барысы:
1. Сабақ тақырыбы, мақсаты, бағалау критерийлері таныстырылады.
2.Өтілген тақырыпты еске түсіру үшін «Бір минут» әдісімен жұмыс жасайды.
Негізгі әрекеттер:
1.Әдістің атына сәйкес оқушылар 1 минуттың ішінде тақырып туралы не білетіні және түсінетіндігі туралы тоқтамай айта бастайды. Ал екінші оқушы жұбының пікірін толығымен ұғыну үшін тек мұқият тыңдап отырады.
2.Экрандағы таймер тоқтаған уақытта әңгімелесу аяқталады.
3.Жұбының пікірін тыңдаушы оқушы келесі жұпқа естігенін айнытпай айтуға тиіс.
4.Экранда таймер қосылып, жұптар қайта араласа бастайды.
5.Осылайша 5 минуттың ішінде 5 түрлі жұппен байланыс орнайды.
Оқушылардың әңгімелесуін мұғалім қадағалап, өзіне қолайлы түрде құрылған «бақылаушы парағын» толтырады. Бақылаушы парағына қажетті дескрипторларды жазып қоюға болады.
3. Жаңа сабақты меңгерту.
ЖЖ. 1-тапсырма.
«РRE» кестесін толтыру үшін оқушыларға мынадай тақырып ұсынылады: «Әпке атаулының бәрі бірдей ме?»
Оқушылар ұсынылған кестенің бірінші бағанына тақырып бойынша өздерінің пікірлерін 1 сөйлеммен жазады.
Екінші бағанға неліктен осы сөйлемді таңдағанын түсіндіреді.
Үшінші бағанға осы себепті мысал арқылы сипаттайды.
«Р» - «R» - «E»-
Жұптар кестелерін толтырып болғаннан кейін басқа жұптармен араласады, жауаптарын бір-біріне таныстырады.
4. Ж. 2-тапсырма.
«Әпкені» оқығанда...» деген тақырыпта досыңызға хат жазыңыз. Оны жазу барысында мына нұсқаулықтарды ескеріңіз:
- өткен шақта жазу;
- төл және төлеу сөздерді қолдану;
- бірінші жақта жазу;
- уақытқа байланысты жалғаулықтарды қолдану;
- толық сипаттау;
- соңында эмоциялар мен сезімдеріңді қосу.
Қабілеті жоғары оқушылар тақырыпқа қатысты ойын тұжырымдап, талдап жазады.
Қабілеті төмендеу оқушылар драма мәтінінен алынған үзінділерді пайдалана алады.
Дескриптор
- тақырып бойынша білетін ақпараттарын естеріне түсіреді;
- оларды жұптарымен бөліседі;
- тақырып бойынша пікірін бір сөйлеммен жазады;
- осы сөйлемді жазу себебін түсіндіреді;
- ойын мысал арқылы жеткізеді;
- досына хат жазады;
- нұсқаулықты басшылыққа алады.
Оқушылардың қалауы бойынша жауаптарын «Ыстық орындықта» тыңдау......