Қазақ әдебиетінен сабақ жоспары: Мұқағали Мақатаев «Аққулар ұйықтағанда» поэмасы 5-сабақ (8 сынып, III тоқсан )

Пән: Қазақ әдебиеті
Бөлім атауы: Махаббат және абырой
Сабақтың тақырыбы: Мұқағали Мақатаев «Аққулар ұйықтағанда» поэмасы 5-сабақ
Осы сабақ арқылы жүзеге асатын оқу мақсаттары: Әдеби шығарманың идеясы мен пафосын ұлттық мүдде тұрғысынан ашу;
Композицияны тұтастан бөлшекке, бөлшектен тұтасқа қарай талдау.
Сабақ мақсаты: Әдеби шығарманың идеясы мен пафосын ұлттық мүдде тұрғысынан ашады;
Композицияны тұтастан бөлшекке, бөлшектен тұтасқа қарай талдайды.
Сабақ барысы:
Топқа бөлу. «Сиқырлы қоржын».
Жағымды психологиялық ахуал орнату. «Сиқырлы қоржындағы» асықтар арқылы топқа бөлу.
Үй тапсырмасы:
Көркемдегіш құралдарды сұрау.
Қызығушылығын ояту:
«Тосыннан келген хат».
Хатты ашып оқып, сол арқылы сабақ тақырыбын анықтау.
1 – тапсырма. «Топтау» әдісі бойынша ақын өмірбаяны, шығармашылығымен танысу. Оқулықта берілген мәліметтерді оқып, топтастыру жасау.
2-тапсырма. «Аққу туралы қызықты мәлімет» бейнебаянын көрсету.
Видеороликке кері байланыс:
-Қандай мәліметтермен таныстыңыздар?
-Видеоға қандай ат қояр едіңіз?
3-тапсырма.
А)«Жіптегі тізбектер» әдісі арқылы шығарманы толық оқу.
Ә) «Аквариум» әдісі арқылы шығарма мазмұнын талқылау.
Топтық жұмыс:
1-топқа:
1.Поэманың І бөлімінен қандай әсер алдыңдар?
2.Туған жер, Жетімкөлдің сұлулығы,аққудың үні, қасиеті, айнала қоршаған ортамен үндестігі, ақынның сезімі өлеңде қалай берілген?
3.«Сызат», «Алау» сөздерінің мағынасын түсіндір.
2- топқа:
1.Ананың психологиялық жай-күйін ақын қалай берген?
2.Ананы қасиетті аққуға оқ атуға итермелеген не?
3.Бала жатыр төсекте күйіп-жанып,
Баласының ана отыр күйін бағып –деген өлең жолындағы «күй» сөзінің мағыналарын түсіндір.
3-топқа:
1.Осы бөлімдегі жылқышы мен ананың диалогін екі оқушы кезекпен мәнерлеп оқыңдар.
2. Білмеймін сор аттың ба,бақ аттың ба ?
Аққуға кезенерде ырым жасап,
Тым құрыса саусағыңды қанаттың ба?-деген жылқышы қарттың сөзінде не мән бар?
3. « Қасиет», «Қасірет» сөзінің мағынасын түсіндіріңдер.
4-тапсырма. Композициялық құрылымына талдау.
Оқиғаның басталуы: Жетімкөлдің тамаша сұлу табиғаты.
Оқиғаның байланысуы: Жетімкөлге аққулардың келуі.
Оқиғаның дамуы: ауру бала мен ананың шарасыздығы.
Оқиғаның шиеленісуі: Сорлы ананың мылтығымен көлге келуі.
Оқиғаның шарықтау шегі: Ананың аққуларды атуы.
Оқиғаның шешімі: Баланың өлуі. Жетімкөлге аққулардың қайта айналып келмеуі.
Бағалау критерийі Дескриптор
Композицияны тұтастан бөлшекке, бөлшектен тұтасқа қарай талдайды Оқиғаның басталуын анықтайды
Оқиғаның байланысуын анықтайды
Оқиғаның дамуын анықтайды
Оқиғаның шиеленісуін анықтайды
Оқиғаның шарықтау шегін анықтайды
Оқиғаның шешімін анықтайды

«Қар кесегі» әдісі арқылы сабақты бекіту. (Әр оқушы ақ параққа сұрақ жазып, бір-біріне қар кесегі етіп лақтырады, сұрақтарға жауап береді, пікір алмасады).
Рефлексия: «Бес саусақ» әдісі.....