Қазақ әдебиетінен сабақ жоспары: Қорқыт «Байбөрі баласы Бамсы-Байрақ туралы жыр» 5-сабақ (8 сынып, I тоқсан )

Пән: Қазақ әдебиеті
Бөлім атауы: Дананың сөзі - ақылдың көзі
Сабақтың тақырыбы: Қорқыт «Байбөрі баласы Бамсы-Байрақ туралы жыр» 5-сабақ
Осы сабақта қол жеткізілетін оқу мақсаттары: (оқу бағдарламасына сілтеме) 8.1.4.1 көркем шығармалардан алған үзінділерді өз көзқарасын дәлелдеу үшін орынды қолдану.
Сабақ мақсаты: Өзіндік ой-пікірін дәлелдеу үшін жыр мәтінінен алынған үзінділерді тиімді қолдану дағдыларын қалыптастыру.
Сабақ барысы:
Оқушыларды шағын жұмыс топтарына бөлу.
1.«Қорқыт ата» кітабы. Өмірінен мәлімет» бейнефильмінен үзінді тыңдатылады (2.39-2.57 мин.).
«... Қорқыт бабамыз - баршамыздың рухани болмысымыздың алтын арқауы» деген Елбасы сөзіне назар аударыңдар. Асты сызылған сөздердің мағынасын түсіндіріңдер.
2. Сабақ тақырыбы мен мақсаты, бағалау критерийі таныстырылады.
3.Т. «Мәселені анықта – шешімін ұсын» стратегиясы
Шығарма кейіпкері қандай қиындықтарға тап болғанын естеріңе түсіріңдер (анықталған мәселе қоршалып қойылады). Оқушылар бірнеше мәселені белгілеп, топ ішінде оларды шешудің жолдарын белгілейді.
1-мұрагерлік мәселесі
Байбөрі бектің тажы мен тағының қамын жеп қайғыруы, көкірегі қарс айырылып, өкіріп жылауы.
Шешімі
Мұрагер – келешек ұрпақты және ата кәсібін жалғастырушы, мал мен мүліктің иесі. Оқушылар, мәселені талқылай келе, мұның ар жағында болашақ кейіпкердің ерекше болып дүниеге келуінің алғышарттары жатқанын да түсіндіреді. Қазақтың батырлық жырларымен байланыстыра алады.
4. Дәл осы үлгімен жыр мәтінінен тағы бірнеше мәселені анықтау:
 Жырда хандар мен бектердің берген батасының қабыл болуы нені аңғартады?
 Әлі дүниеге келмеген балаларды атастыру салты туралы не ойлайсыздар?
Қабілеті жоғары оқушылар шешімі анықталуы тиіс мәселені мәтіннен өздері ажырата алады.
Қабілеті төмендеу оқушылар оқиғалар мазмұнын баяндап береді.
Топ мүшелері өздері анықтаған мәселелерді және оларды шешу жолдарын ортаға салып бөліседі.
Дескриптор
- жыр мәтініне тағы бір шолу жасайды;
- мазмұны бойынша бірнеше мәселені анықтайды;
- оларды шешу жолдарын талқылап ұсынады.
5. Мұғалімнің кері байланысы......