Қазақ әдебиетінен сабақ жоспары: Шортанбай Қанайұлы «Зар заман» 2-сабақ (7 сынып, II тоқсан )

Пән: Қазақ әдебиеті
Бөлім атауы: Толғауы тоқсан қызыл тіл
Сабақтың тақырыбы: Шортанбай Қанайұлы «Зар заман» 2-сабақ
Осы сабақ арқылы жүзеге асатын оқу мақсаттары: Б/С3. Әдеби эссе
Сабақ мақсаты: 7.Б/С3.Шығарманы ұлттық құндылық тұрғысынан талдап, әдеби эссе жазу.
Сабақ барысы:
Қызығушылықты ояту
Cабақ басталмас бұрын мұғалім оқушылардың өткен сабақта “Ақынға айтарым” деген тақырыпта жұбымен жеке параққа жазып келген хаттардың үздігін тақтаға іліп қояды. Оқушылар оқып танысады.
Миға шабуыл
Оқушылар шеңберде тұрып, эссе деген не, оның қандай түрлері бар, эссе жазуға қойылатын талаптар қандай? деген тақырыпта үй жұмысы бойынша қайталап келген тақырыптарын ортаға салады.
Оқушыларға оқу мақсаты мен бағалау критерийлері, дескрипторлар түсіндіріледі.
Оқушыларға әдеби эссенің ерекшеліктері жайлы мәтін таратылады. Олар оқып танысқан соң әдеби эссе жазады.
Әдеби эссе
Әдеби эссе басқа эссе түрлеріне ұқсамайды. Біріншіден, ол әдеби шығармаларға негізделген. Екіншіден, автордың айтқысы келген идеяларын болжап түсінуге негізделген, яғни түсіндірмені қажет ететін пікірталас немесе жұмбақты табуды қажет етеді. Таңдаған шығармаңызға басқа көзбен қарасаңыз, ерекше қолданылған әдеби жанрлар, күтпеген сюжеттер мен оқиғаларға, тіл ерекшеліктеріне толы болады.
1-тапсырма Ж.
Шортанбай Қанайұлының шығармашылығынан алған біліміңізді бүгінгі күнмен үндестіріп, «Қазақстан кеше, бүгін ...» тақырыбына 200-250 сөз көлемінде әдеби эссе жазыңыз. .....