Қазақ әдебиетінен сабақ жоспары: Абай Құнанбайұлы «Мен жазбаймын өлеңді ермек үшін» «Ғылым таппай мақтанба» (6 сынып, II тоқсан )

Пән: Қазақ әдебиеті
Ұзақ мерзімді жоспар бөлім: Абайды оқы, таңырқа!
Сабақтың тақырыбы: Абай Құнанбайұлы «Мен жазбаймын өлеңді ермек үшін», «Ғылым таппай мақтанба»
Оқу бағдарламасына сілтеме: 6.2.2.1. Әдеби шығармада көтерілген әлеуметтік-қоғамдық мәселені идеясы арқылы түсіндіру.
Сабақтың мақсаты:
Оқушылардың барлығы орындай алады:
Өлеңдердің тақырыбы мен идеясын түсінеді.
Оқушылардың көпшілігі орындай алады:
Өлеңдердің әлеуметтік-қоғамдық мәселелерді идеясы арқылы дұрыс анықтайды.
Оқушылардың кейбіреуі орындай алады:
Өлеңдердің идеясын өз көзқарасы негізінде жеткізеді.
Сабақ барысы:
Ұйымдастыру кезеңі. Сәлемдесу
Психологиялық ахуал
Бес нәрседен қашық бол,
Бес нәрсеге асық бол...
Оқушылар шеңбер бойымен тұрып, бір-біріне бүгінгі сабаққа қатысты ізгі тілектер айтып шығады.
Оқушыларды «Талап», «Еңбек», «Терең ой», «Қанағат», «Рақым» қимақағаздары арқылы топқа бөлу
Оқушыларды сабақ мақсатымен, бағалау критерийлерімен таныстыру
Ой шақыру
1.Оқушылар өздері жаттап келген өлеңдерін кезектесіп айтады.
2.Топтағы оқушылар өлеңдерді тыңдай отырып, лирикалық кейіпкер бейнесін ашатын жолдарды түртіп алады.
3. Тыңдай отырып, мәтіннен өз өміріне, іс-әрекетіне септігін тигізер қандай қорытынды жасағанын айтады.
1. Абай ақынның шығармаларын қандай бағыттарға бөлер едіңіз?
2. «Өлең – cөздің патшасы...» деген пікірмен келісесіз бе?
3. Неліктен Абай атамыз ақын мен оның өлеңіне жоғары талап қояды деп ойлайсыз?
4. Сіздіңше, Абай атамыз өлеңдері арқылы бізге қандай өсиет қалдырды?
Топтық жұмыс
«Джигсо» әдісі
1-қадам: Өлеңдегі көтерілген мәселелер қаншалықты өзекті? (Оқушылар пікірі тыңдалады)
2-қадам: Оқушыларға тақырыптар ұсынылады. Өлең жолдарына сай топ мүшелерінің әрқайсысы тапсырмаларды бөліп алып, топпен үзіндінің тақырыбы, идеясы, әлеуметтік, қоғамдық мәселесіне талдау жасайды.
1-топ: Өлеңім – жастарға үлгі...
2-топ: Өлең – cөздің патшасы...
3-топ: Бес нәрседен қашық бол...
4-топ: Бес асыл іс...
5-топ: Ғылымға көңіл берсеңіз...
3-қадам: Мазмұн жинақтау топтарына қайта бөлінеді (топтағы рет санына байланысты, мысалы, 1-нөмірдегілер 1-топқа т.с.с.). Бұл топқа келген оқушылар өз топтарында жасаған талқылау жұмыстарын біріктіріп, өлеңдердің ортақ тақырыбы мен идеясын, көтерілген әлеуметтік, қоғамдық мәселелерді шығарады.
4-қадам: Осы топта өздері оқып, талдап келген шумақтарға талқылау жасайды, топ мүшелеріне түсінікті жеткізудің жолдарын белгілейді.
5-қадам: Өз топтарына барып, сараптау тобында талқылап келген тапсырмасын түсіндіреді, өзара сұрақтар қояды. Олар өлеңдердің басты тақырыбы мен идеясын түсіндіретін карталарын (кестелерін) жасайды. Топтарда жасалған карталардың (кестелердің) мазмұнын талқылайды.
Өлең шумағы Тақырыбы Идеясы Қоғамдық-әлеуметтік мәселе
Дескрипторлар:
- үзіндінің тақырыбы мен идеясын талдайды;
- өз көзқарасын жеткізеді;
- кестені тапсырмаға сай толтырады.
Қалыптастырушы бағалау. Топтық бағалау
Топтар өзара бағалауды стикерге жазу арқылы жүзеге асырады.
Жеке жұмыс
1-тапсырма
Шығарма бойынша берілген кестені толтыр.
Шығармада қандай қоғамдық-әлеуметтік мәселелерді байқадым? Оны қай үзінділермен дәлелдей аламын?
2-тапсырма
«Түйінді ой» әдісі
Оқушы өлең туралы түйінді ойын екі сөйлеммен жеткізеді.....